0:00 / 0:00
قازاقىستان دۆلەتلىك يازغۇچىلار ئىتتىپاقى 26-27- ئاپرىل كۈنلىرى كېڭەيتىلگەن يىغىن ئۆتكۈزۈپ، ۋەتەن ئۇرۇشىنىڭ 60 يىللىقى خاتىرىسى مۇناسىۋىتى بىلەن ۋەتەن ئۇرۇشۇ ئەدەبىياتى، بالىلار ئەدەبىياتى، قېرىنداش مىللەتلەر ئەدەبىياتى مەسىلىلىرىنى چۆرىدىگەن ھالدا مۇزاكىرە ئېلىپ باردى.
قازاقىستان يازغۇچىلار ئىتتىپاقىنىڭ قۇرۇلغانلىقىنىڭ 70 يىللىقىغا تەييارلىق كۆرۈۋاتقان، مەزكۇر يىغىنغا قاتناشقان ئۇيغۇر يازغۇچىلار جەمىيىتى باشلىقى شايىم شابايېف مۇخبىرىمىز ئابدۇللانىڭ زىيارىتىنى قوبۇل قىلىپ، مەزكۇر يىغىن ھەققىدە سۆزلىدى.