0:00 / 0:00
خىتاي دېموكراتلىرى تەرىپىدىن چەتئەلدە ئىنتېرنېت ئارقىلىق تارقىتىلىدىغان "خەۋەرلەر مەجمۇئەسى" گېزىتىدە “750 مىڭ كىشى ئۇيغۇر ئېلىدە ئېلىپ بېرىلغان يادرو سىنىقىنىڭ قۇربانى بولدى” دېگەن تېمىدا ماقالە ئېلان قىلىنىپ، 60 - يىللاردا لوپنۇردا ئېلىپ بېرىلغان يادرو سىناقلىرىدا، نەچچە يۈز مىڭلىغان يەرلىك ئۇيغۇرلار ۋە يادرو سىنىقىغا قاتناشقان ھەربىي خادىملارنىڭ رادىئاكتىپلىق زەھەرلىنىش سەۋەبىدىن ئۆلگەنلىكى ئاشكارىلانغان.
بۇ مۇناسىۋەت بىلەن، چەتئەل مۇتەخەسسىسلىرى بىلەن بىللە، ئاتوم سىنىقىنىڭ تەسىرىدىن كېلىپ چىققان كېسەللەرنى تەتقىق قىلىش خىزمىتىگە قاتناشقان ئەنگىلىيىدە تۇرۇشلۇق دوختۇر ئەنىۋەر ئەپەندى زىيارىتىمىزنى قوبۇل قىلىپ، ئاتوم سىنىقىنىڭ ئۇيغۇر ئېلىدىكى ھەر مىللەت خەلقىغە ئېلىپ كەلگەن تەسىرى ھەققىدە توختالدى.