Yaponiyilik ayal mutexessis, Uyghurlarning weziyitini yaponiye xelqige anglatmaqta

• Muxbirimiz eqidening bu heqtiki melumati
• Download story audio

Yaponiyilik mutexessis na'oka xanim, 1998 ‏- yili yaponiyidin, béyjing xelq uniwérsitétigha xitay tarixi öginish üchün barghan, u 2000 ‏- yiligha qeder béyjingda turush jeryanida bir Uyghur kompozitor bilen tonushup, uning bilen muhebbetlik bir hayat qaynimigha chökken. Epsus bu Uyghur yigit türlük sewebler tüpeyli zeherlik chékimlikke öginip qilip, özini chin dilidin söygen na'oko xanimni tolimu azablighan, gerche na'oko'a xanim oghul dostini bu yoldin qutuldurush üchün köp tirishchanliq körsetken bolsimu, axiri buninggha ajizliq qilip, dostidin ayrilishqa mejbur bolghan.

Biraq na'okaning muhebbiti, uning Uyghur millitige qiziqishini hessilep ashurup, uning qelbide chongqur tesir qaldurdi. Shundin étibaren na'oko qeyerde Uyghur bolsa shu yerge bérip, Uyghurlarni ehwali heqqide izdendi.

Na'oko ,yaponiye merkizi uniwérsitétining léktori yeni mezkur mektepning iqtisad fakultétining oqutquchisi bolsimu, lékin hazir u köp waqtini Uyghur tetqiqatigha serp qilmaqta.

Na'oko téxi yéqindila amérikigha kélip, ataqliq kishilik hoquq pa'aliyetchisi rabiye qadir xanim bilen uchriship, bir qanche kün söhbet ötküzgendin kéyin, yaponiyige qaytip bérip, yaponiyide chiqidighan meshhur siyasiy zhornalda " rabiye qadirning eslimliri" dégen esirini élan qildi.

Uning éytishiche, mezkur eser yaponiye xelqining Uyghurlarni chüshinishi üchün muhim rol oynap, nurghun yaponiyiliklerning Uyghurlargha bolghan qizghinliqini ashurghan.

Na'oka xanim, bizning ziyaritmizni gérmaniyining munxén shehiridiki , dunya Uyghur qurultiyining bash katibi dolqun eysa ependining oyide qobul qildi. Uning éytishiche, Uyghurlar intayin méhman dost, aq köngül bir xelq iken, u " men qeyerge barmay méni Uyghurlar intayin qizghin qarshi aldi, türkiyide bolsun, amérikida bolsun , gerche xitay hökümiti Uyghurlarni térrorchi dep eyibligen bolsimu, buning tamamen xata ikenliki manga ayan, Uyghurlar héchqachan térrorchi emes belki ular tinchliqperwer bir xelq" dédi.

Gérmaniyidiki pa'aliyetliri toghrisida toxtalghan na'oka xanim sözini, " men dolqun eysa ependining yardimi astida, siyasiyun , diplomat erkin alptékin ependi we gérmaniyidiki Uyghurlar bilen tonushup chiqip, yaponiye xelqige yenimu ichkiriligen halda Uyghurlarni tonushturmaqchimen, bolupmu, chet'ellerde tinchliq yoli bilen Uyghur dawasini dunyagha anglitish üchün xizmet körsitiwatqan Uyghurlar heqqide eser yézishni, yuqirida tekitlep ötkinimdek, yaponiye xelqige Uyghurlarning nöwettiki weziyitini anglitishni özemning muqeddes burchi dep bildim " dep ayaqlashturidi. (Eqide)