Японийидә ' уйғурчә - япончә сөзлүк' нәширдин чиқти

Японийидә уйғур тәтқиқатлири йипәк йоли тәтқиқати билән башланған болуп, бүгүнки күнгә кәлгәндә уйғуршунаслиқ тәтқиқатлири барғансери күчәймәктә.
Мухбиримиз әркин тарим
2009-04-27
Share
Uyghurche-Yaponche-lughet-305 Йапонийә токйо чәтәл тиллири университети, асийа - африқа тил вә мәдәнийәт тәтқиқати институти оқутқучиси җун сугавара әпәнди тәрипидин түзүлгән 742 бәтлик ' уйғурчә - йапончә сөзлүк' ниң мақава көрүнүши.
RFA Photo / Erkin Tarim

 Йеқинда японийә токйо чәтәл тиллири университети, асия - африқа тил вә мәдәнийәт тәтқиқати институти оқутқучиси җун сугавара әпәнди тәрипидин түзүлгән 742 бәтлик бу сөзлүк 2 - айда нәширдин чиққан болуп, мәзкур сөзлүк һазирқи заман уйғур тилида түзүлгән бир қәдәр мукәммәл болған сөзлүк һесаблинидикән.

Проф. Др. Җун сугавара әпәнди сөзлүкниң баш қисмида уйғур тилиниң қисқичә тарихи вә уйғур тилиниң грамматикилиқ алаһидилики һәққидә тохталған.

Бу сөзлүк илгири вәтән ичидә нәшир қилинған бир қисим нопузлуқ уйғур тилшунаслириниң китаблиридин пайдилинип түзүлгән болуп, японийидә һазирға қәдәр нәшир қилинған бир қәдәр мукәммәл сөзлүк дәп ейтишқа болидикән. Бу сөзлүк японийидики кәң уйғур тили һәвәскарлириниң уйғур тилини өгинишигә пайдилиқ тил қорали болуп һесаблинидикән.

Биз бу сөзлүк вә японийидики уйғуршунаслиқ һәққидә техиму тәпсили мәлумат елиш үчүн японийә кагошима университети оқутқучиси тилшунас др. Һаҗи қутлуқ қадири әпәнди билән телефон зиярити елип бардуқ.

Др. Һаҗи қутлуқ қадири әпәнди дуняда вә японийидә йезилған уйғурчә луғәтләр һәққидә қизиқарлиқ мәлуматларни бәрди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт