Yaponiyide 'sherqiy türkistan milliy inqilabining ötmüshi we kelgüsi' namliq ilmiy muhakime yighini ötküzüldi

Süret, 8 - ayning4 - küni yaponiyining kagushima shehiride chaqirilghan `sherqiy türkistanda némiler boluwatidu` mawzuluq yighinning yighin zali we yaponiye uyghur jemiyiti mesuli ilham mexmut ependining nutuq sözlewatqan körünüshi.

Bu qétimqi pa'aliyetni teshkilligen yaponiye Uyghur jem'iyitining re'isi ilham ependi, bu yighinning nahayiti muweppeqiyetlik bolghanliqini tilgha aldi.

D u q bash katipi dolqun eysa ependining bildürüshiche, u, 9 - ayning 26 - künidin 10 - ayning 1 - künigiche, yaponiyide yene bir qisim siyasiy pa'aliyetlerni élip baridiken. U, özining bundin kéyinki pa'aliyetliri toghruluq uchur bérip, yaponiyining bir qisim yuqiri derijilik hökümet rehberliri bilen körüshidighanliqini éytti. Uning éytishiche, yaponiye Uyghur jem'iyiti we yaponiyidiki bir qisim Uyghurshunaslar d u q wekili üchün bir qisim siyasiy uchurushushlar hem yighinlarni aldin orunlashturghan.

78 - Nöwetlik xelq'ara qelemkeshler yighinigha teklip qilin'ghan d u q bash katipi, qelemkeshler yighinigha közetküchi süpiti bilen qatnashqandin sirt, bu pursettin paydilinip Uyghur milliy mesilisini yaponiye hökümiti we xelqige anglitishqa tirishidighanliqini éytti.

D u q bash katipi dolqun eysa ependining bildürüshiche, nöwette yaponiye - xitay otturisida dawam qiliwatqan siyasiy sürkilishler, yaponiye hökümiti we xelqining Uyghur mesilisige bolghan hésdashliqini téximu yuqiri bir pellige kötürgen.

Yuqiridiki awaz ulinishidin, bu heqtiki melumatimizning tepsilatini anglaysiler.