Yaponiyining osaka shehride xitaylargha qarshi namayish ötküzüldi

Béyjing olimpik musabiqisi axirlashqandin kéyinki tunji namayish yaponiyining osaka shehridiki xitay konsulxanisining aldida ötküzüldi.
Muxbirimiz erkin tarim
2008.09.15
Share on WhatsApp
Share on WhatsApp
osakada-namayish-305.jpg 9 - Ayning 14 - küni chüshtin kéyin ötküzülgen bu namayishqa, yaponiye uyghur jemiyiti bashliqi ilham mexmut bashchiliqidiki bir gurup uyghurlar we osakaliq yapon, tibet we mongghullardin bolup 100 ge yéqin kishi qatnashqan.
RFA Photo / Erkin Tarim

9 - Ayning 14 - küni chüshtin kéyin ötküzülgen bu namayishqa yaponiyining paytexti tokyo shehridin kelgen Uyghurlar osakaliq yapon, tibet we mongghullardin bolup 100 ge yéqin kishi qatnashqan. Qollirida Uyghur, tibet, mongghul we yapon bayraqlirini kötürüshken bu namayishchilar, "xitaylar Uyghurlargha ziyankeshlik qilishni toxtatsun, Uyghur, tibet we mongghullargha erkinlik, Uyghur qizlirini qul qilishni toxtitinglar, toxti mozart qayturup bérilsun, oyghan Uyghur" dégen'ge oxshash sho'arlarni towlashqan.

Bu namayishni yaponiyide pa'aliyet élip bériwatqan pütün dunyagha erkinlik teshkilati bilen osaka puqralar uyushmisi uyushturghan bolup bu qétimqi namayishqa yaponiye Uyghur jem'iyiti bashliqi ilham mexmut bashchiliqidiki bir gurup Uyghur tokyodin osakagha kélip bu namayishqa qatnashqan. Bu namayishni osakadiki köp sandiki chet'el we yapon zhornalistliri xewer qilip tarqatqan.

Biz bu namayish heqqide tepsili melumat élish üchün neq meydan'gha téléfon qilip, namayishqa qatnishiwatqan kishiler bilen söhbet élip barduq.

Namayishchilar béyjing olimpik musabiqisidin kéyinmu xitay hökümitining Uyghurlargha qarshi bésim siyasitini dawam qilduruwatqanliqini, shunga xitay hökümitini bu zulumni toxtitishqa chaqirish, asiyaning tinchliqi üchün xitaygha qarshi küreshte hemkarliqni kücheytish üchün bu namayishni uyushturghanliqini éytti. 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.