Хитайниң осакада турушлуқ консулханисиға уйғур тәйинләнди

Йеқинда хитай японийиниң осака шәһиридә турушлуқ консулханисиға қундуз йүсүп исимлиқ бир аялни муавин консул қилип әвәткән. Бу аялни яхши тонуйдиған кишиләрдин алған мәлуматларға асасланғанда, қундуз йүсүп уйғур аптоном районлуқ хәлқ һөкүмити ташқи ишлар ишханисиниң хадими икән.
Мухбиримиз әркин тарим
2010.11.10
Share on WhatsApp
Share on WhatsApp

Қундуз йүсүп исимлиқ бу аял ваң лечүәнгә йеқинлиқи билән тонулған бир аял болуп, униң японийиниң осака шәһиригә консул қилип әвәтилиши японийидики уйғурларни ойға салған.

Японийидики уйғур анализчиларниң ейтишичә,  хитай 5-июл үрүмчи вәқәсидин кейин уйғур дәвасиниң хәлқаралишиш басқучиниң тезлишип кәткәнликидин әнсирәп дуняниң һәрқайси җайлирида `хитайни  чүшиниш` паалийити елип бериштин башқа йәнә, уйғурлар бир қәдәр зич олтурақлашқан вә уйғур даваси көзгә көрүнгән дөләтләрдә хитай һөкүмитигә садиқ бир қисим уйғурларни хизмәткә тәйинләп, өзиниң тәшвиқатини елип бериш вә бу арқилиқ шу дөләтләрдики уйғурларниң әһвалини игиләш, уйғур дәвасиға тосалғу яритишни мәқсәт қилған икән.

Қундуз йүсүп ханимни  японийиниң осака шәһиридики хитай консулханисиға  әвәтиштики мәқсити немә? бурун һәр қайси дөләтләрдики хитай әлчиханилирида ишлигән уйғурларниң уйғурларға немә пайдиси болған дегәнгә охшаш соалларға җаваб тепиш үчүн японийә уйғур җәмийити башлиқи илһам мәһмут вә кагошима хәлқара  университети оқутқучиси доктор һаҗи қутлуқ қадири билән сөһбәт елип бардуқ.  

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.