Yaponiyide 'Uyghurlarning kelgüsi we yaponiyining roli' témisida ilmiy muhakime yighini échilmaqchi

Yaponiye Uyghur jem'iyiti 5 - ayning 21 - künidin étibaren 3 kün yaponiyining ikki chong shehiri bolghan tokyo we osaka sheherliride pa'aliyet uyushturghan.
Muxbirimiz irade
2010.05.18
Ilham-Mahmut-Yaponluqlar-gha-doklat-bermekte-305.jpg Süret, ilham maxmut ependining 11 - aprél ötküzülgen "yaponiyining özini yoqatqan künini qayta eslesh" namliq muhakime yighinida sözlewatqan körünüshi.
Süretni ilham maxmut ependi teminligen.

Yaponiye Uyghur jem'iyitining bashliqi ilham mehmut ependining bildürüshiche, bu pa'aliyet 30 - may küni xitay bash ministiri wén jyabawning yaponiyige élip baridighan resmiy ziyariti we 6 - ayda tibet rohaniy dahiysi dalay lamaning yaponiyide élip baridighan ziyariti aldida Uyghur mesilisini yaponiyide yene bir qétim kün tertipke ekilish üchün orunlashturulghan iken.

Biz bu pa'aliyetler heqqide tepsiliy melumat élish üchün ilham mehmut ependi bilen téléfon ziyariti élip barduq. U bizge bu 3 künlük pa'aliyetning kün tertipi heqqide melumat berdi.
 
Ilham mehmut ependining bildürüshiche, yaponiye Uyghur jem'iyiti bu yighinning teyyarliq xizmetlirini 3 - ayning axiridin bashlighan bolup, u yighin zali orunlashturulushi we teshwiqat xizmetliri élip bérish jeryanida nurghun yapon dostlarning yardimige érishken. Ilham mehmut ependi özining yaponiyidiki nurghun tesiri bar siyasetchi we zhurnalistlar bilen uchrishish élip barghanliqini we ularning köp yardimige érishkenligini bildürüp ulargha teshekkür éytti.

Ilham mehmut ependining éytishiche, bu qétimliq pa'aliyet arqiliq yapon hökümiti we shundaqla yapon xelqining xitaygha bolghan tonushini artturush, yaponlarning Uyghurlargha bolghan hésdashliqi we qollishini qolgha keltürüsh meqset qilin'ghan bolup, u, yaponiyide hazir dölet xewpszlikige da'ir her qandaq bir yighinda choqum Uyghur mesilisining tilgha élinidighanliqini, jümlidin Uyghur mesilisining yaponiyide keng tonuluwatqanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.