Uyghur yashlirining chiqish yoli nede?


2006-09-13
Share
Ürümchidiki döng köwrük xelq'araliq chong bazardiki Uyghurlar. Gerche ürümchi tiz tereqqi qiliwatqan bolsimu, biraq Uyghurlardiki ishsizliq barghanséri éghirlashmaqta.

Uyghur élidiki xitay partiye hökümet da'iriliri, 7 - nöwetlik " shinjangdiki 10 neper ilghar yash" larni bu yil -7 ayda tallap chiqqan idi. Uyghur élining hökümet xewerlirige qarighanda, xitay kompartiyisining Uyghur élidiki sékrétari wang léchu'en 12 - séntebir küni 10 neper ilghar yash bilen söhbet ötküzgen.

U bu " ilghar" yashlar" gha shinjang hazir bir türküm ülge yaratquchi awan'gartlargha, yéngiliq yaratquchilargha, shinjangdiki her millet yashlirini 11-besh yilliq pilanning emelge éshishi üchün yéteklep mangidighan, partiye hökümetning siyasetlirini teshwiq qilidighan, iqtisadiy tereqqiyat üchün tiriship ishleydighan ilghar yashlargha muhtaj" dégen.

Gerche xitay da'irliri her yili mushu yosunda ilghar yashlarni saylap chiqip, xitay hökümitining yashlargha, ularning her jehettin tereqqiy qilishigha, igilik tiklep yéngiliq yaritishigha pursetlerni yaritip, yéqindin köngül böliwatqanliqini teshwiq qiliwatqan bolsimu emma Uyghurlarning inkasigha qarighanda, bu on neper yashning étibargha élinishi Uyghur yashlirining nöwettiki weziyitige wekillik qilalmaydiken, shundaqla bu bir quruq teshwiqattinla ibaret bolup, emeliyette Uyghur élidaxitay köchmenlirining köpiyishige egiship, yerlik Uyghur yashlarning oqushsiz, ishsiz, pursetsiz qélishi barghanche éghirlashmaqta iken.

Nöwette xitay da'iriliri yene "hazir Uyghurlarningmu jan béqish yoli izdeshtiki idiyisi échilip, iqtisadi kirimini ashurush üchün, xitay ölkiliridin ish pursiti izdeydighanlar barghanche köpeymekte " dep teshwiqat élip barmaqta.

Bu heqte Uyghurlarning köz qarashlirini alghinimizda, emeliyette Uyghur élide ish pursetliri xitay köchmenlirige bérilip, Uyghurlargha chiqish yoli yoq bolghanliqi seweblik hökümetning mexsus teshwiqati hemde orunlashturushi bilen bezi az sandiki Uyghurlarmu nöwette xitay ölkiliridin jan béqish yoli izdeshke mejbur bolmaqta iken.

Bir déhqan boway özining 25 yashlardiki oghlining yette yil burun méyip bolup qalghanliqi üchün oqush we ish pursitidin mehrum qélip, hökümetningmu héchqandaq yardimige érishelmey axiri xitay ölkiliridin ish izdesh üchün ketkinini éytti.

Yéqinda radi'omizgha xet yazghan bir yash, Uyghurlarning Uyghur élidila emes xitay ölikiliridimu oxshashla kemsitishke uchraydighanliqi, meyli ular qanche yaxshi mekteplerni püttürgen bilenmu, beribir riqabette barabersizlikke uchrap turuwatqanliqini éytqan idi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet