"Yawa kepter" namliq hékaye kitab bolup neshir qilindi


2008.02.13
Share on WhatsApp
Share on WhatsApp

yawa-kepteKitap-150.jpg
Qeyseride turushluq tetqiqatchi yazghuchi mehmet émin batur bu hékayini Uyghurchidin türkchige terjime qilip, 3 tilda, bir kitab sheklide neshir qildurdi. Sürette kitap muqawisi. RFA Photo / Erkin Tarim

Yash Uyghur yazghuchisi nurmemet yasin 2004-yili yazghan `yawa kepter` namliq hékaye qeshqer edebiyatining 5-sanida neshir qilin'ghandin kéyin, yazghuchi xitay hökümiti teripidin bölgünchilik bilen eyiblinip 9 yilliq qamaq jazasigha höküm qilin'ghan idi.

Bu hékaye hazirghiche köp tillargha terjime qilin'ghan bolsimu, téxighiche kitab halida neshir qilinmighan idi. Yéqinda, qeyseride turushluq tetqiqatchi yazghuchi mehmet émin batur bu hékayini Uyghurchidin türkchige terjime qilip, 3 tilda, bir kitab sheklide neshir qildurdi.

Kitabning kirish söz qismida, Uyghurlarning qisqiche tarixi, Uyghurlarning hazirqi weziyiti heqqide melumat bergendin kéyin "kawa kepter" namliq hékaye heqqide qisqiche melumat bérilgen, shundaqla nurmemet yasinning hayatimu anglitilghan. Kéyin hékayining Uyghurchisi, türkche we in'gilizche terjimisige yer bérilgen. Kitab 67 bettin terkip tapqan bolup, kitab heqsiz tarqitiliwatqan iken. Eger bu kitabni élishni xalighanlar www.hurgokbayrak.com Adrisige kirip, kitabni teyyarlighan mehmet émin batur ependi bilen alaqe baghlisa bolidu.

Biz bu kitab heqqide tepsili melumat élish üchün bu kitabni teyyarlighan mehmet émin batur ependi bilen téléfon ziyariti élip barduq.

Yuqiridiki ulinishtin, muxbirimiz erkin tarimning mezkur ziyaritining tepsilatini anglaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.