“Yawro-asiyaning 2023-yilliq nishani” namliq yighin enqerede chaqirildi

Yawro-asiya tereqqiyat jem'iyiti orunlashturghan “Yawro asiyaning 2023-yilliq nishani” namliq ilmiy uchrishish, enqerening kechi'ören rayonluq hökümitidiki yunus emre kültür merkizide ötküzüldi. Yawro-asiyaning kelgüsi tereqqiyat pilani heqqidiki témilarni muzakire nuqtisi qilghan bu yighin'gha yawro-asiya tereqqiyat jem'iyitining re'isi hesen jenggiz, yawro-asiya istratégiyilik chüshenche instituti bashliqi proféssor doktor jelal erbay, yawro-asiya tereqqiyat hökümetler birliki bash katipi we qirghizistan jumhuriyiti parlamént ezasi anarbek qalmatow, yawro-asiya tereqqiyat hökümetler birliki mu'awin re'isi we al'azigh sheherlik hökümet bashliqi sulayman salman'oghlu, afghanistan parlamént ezasi enwer sedat, süriye türkmenliri tereqqiyat jem'iyiti ijra'iye bashliqi heysem molla aliy, mongghuliye qanun ijra uniwérsitéti mudiri proféssor, doktor polis albay chinggis, sherqiy türkistan ma'arip we hemkarliq jem'iyiti bashliqi hidayitullah oghuzxan ependi, undin sirt yene iraq we tanzaniyidin kelgen bezi wekillet qatnashti.

Sherqiy türkistan ma'arip we hemkarliq jem'iyiti bashliqi hidayitullah oghuzxan ependimu teklip bilen méhmanlarning qatarida re'is sehnisidin orun aldi hem xitay ishghaliyitidiki sherqiy türkistan we Uyghur türklirining hazirqi weziyiti hem mesililiri heqqide söz qildi.

Undin bashqa yene “Putinning yawro-asiya xiyali”, “Türkiyining yardimi bilen qirghizistanmu güllensun”, “Yawro-asiyaning muqimliqi afghanistanning muqimliqi”, “Ikki qutup küch tengpungluqidin rayonlar ara küchke yötkiliwatidu” qatarliq témilardimu nutuqlar sözlendi.

Biz yighin heqqide tepsiliy melumat élish üchün sherqiy türkistan ma'arip we hemkarliq teshkilati bashliqi hédayitullah oghuzxan ependi bilen söhbet élip barduq.