Түркийиниң қәйсери шәһиридә 'ана вәтән шәрқий түркистанниң бүгүнки вәзийити' мавзулуқ йиғин өткүзүлди

Түркийиниң оттура райониға җайлашқан қәйсери шәһридә 3 - айниң 13 - күни "ана вәтинимиз шәрқий түркистанниң бүгүнки вәзийити" мавзулуқ йиғин өткүзүлди.
Мухбиримиз әркин
2010-03-15
Share
turkiye-sherqiy-turkistan-weziyiti-305 Сүрәттә: йиғиндин бир көрүнүш
Photo: RFA

Бу лексийә бериш йиғинини қәйсери вилайитигә җайлашқан "дәвәли" дегән йәр исми қоюлған " дәвәлиликләр мәдәнийәт вә һәмкарлиқ җәмийити" уюштурған болуп, йиғинда алаһидә тәклип қилинған д у қ муавин башлиқи сейит түмтүрк әпәнди доклат бәргән.

Йиғинда алди билән "дәвәлиликләр мәдәнийәт вә һәмкарлиқ җәмийити "ниң башлиқи зия чолақ әпәнди ечилиш нутқи сөзләп түркләрниң 1000 йил бурун ана вәтини шәрқий түркистандин айрилғанлиқини, ана вәтәндә яшаватқан уйғур қериндашлири тартиватқан зулумни унтумаслиқ вә уларға ярдәм бериш үчүн бу йиғинни чақирғанлиқини ейтқан.

Кейин сейит түмтүрк әпәнди нуқтилиқ һалда хитайниң һазир уйғурларға елип бериватқан бесим сиясити, уйғурларниң дуня дөләтлиридин, болупму түркийидин күткән үмидлири һәққидә тохтилип өткән.

Ахирида кишиләр сейит түмтүрккә бәс - бәс билән соаллар сорашқан болуп йиғин 3 саәт давам қилған. Йиғинға 100 әтрапида киши қатнашқан. Биз сейит түмтүрк әпәнди бу йиғин һәққидә мәлумат бәрди.

юқиридики аваз улинишидин, бу һәқтики мәлуматимизниң тәпсилатини аңлайсиләр.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.