Türkiyining qeyséri shehiride 'ana weten sherqiy türkistanning bügünki weziyiti' mawzuluq yighin ötküzüldi

Türkiyining ottura rayonigha jaylashqan qeyséri shehride 3 - ayning 13 - küni "ana wetinimiz sherqiy türkistanning bügünki weziyiti" mawzuluq yighin ötküzüldi.
Muxbirimiz erkin
2010-03-15
Share
turkiye-sherqiy-turkistan-weziyiti-305 Sürette: yighindin bir körünüsh
Photo: RFA

Bu léksiye bérish yighinini qeyséri wilayitige jaylashqan "deweli" dégen yer ismi qoyulghan " dewelilikler medeniyet we hemkarliq jemiyiti" uyushturghan bolup, yighinda alahide teklip qilin'ghan d u q mu'awin bashliqi séyit tümtürk ependi doklat bergen.

Yighinda aldi bilen "dewelilikler medeniyet we hemkarliq jemiyiti "ning bashliqi ziya cholaq ependi échilish nutqi sözlep türklerning 1000 yil burun ana wetini sherqiy türkistandin ayrilghanliqini, ana wetende yashawatqan Uyghur qérindashliri tartiwatqan zulumni untumasliq we ulargha yardem bérish üchün bu yighinni chaqirghanliqini éytqan.

Kéyin séyit tümtürk ependi nuqtiliq halda xitayning hazir Uyghurlargha élip bériwatqan bésim siyasiti, Uyghurlarning dunya döletliridin, bolupmu türkiyidin kütken ümidliri heqqide toxtilip ötken.

Axirida kishiler séyit tümtürkke bes - bes bilen so'allar sorashqan bolup yighin 3 sa'et dawam qilghan. Yighin'gha 100 etrapida kishi qatnashqan. Biz séyit tümtürk ependi bu yighin heqqide melumat berdi.

Yuqiridiki awaz ulinishidin, bu heqtiki melumatimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet