' Közlirimde mügdeydu quyash' namliq shé'irlar toplimi istanbulda neshrdin chiqti

Yash sha'ir tuyghun abduwelining "közlirimde mügdeydu quyash" namliq shé'irlar toplimi 9 - ayning axirida istanbulda neshrdin chiqti. Teklimakan Uyghur neshriyati teripidin neshr qilin'ghan 134 betlik kitabgha sha'ir tuyghun abduwelining wetinide we chet'elde yazghan 63 parche shé'iri tallap kirgüzülgen.
Muxbirimiz erkin tarim
2009-10-08
Share
Korlirimde-ogudeydu-quyash-305.jpg Süret, 9 - ayning axirida istanbulda neshrdin chiqqan, yash shair tuyghun abduwelining "közlirimde mügdeydu quyash" namliq shéirlar toplimining muqawa körünüshi.
RFA Photo / Erkin Tarim

Tuyghun abduweli 1974 - yili 11 - ayning 27 - küni aqsu wilayiti kelpin nahiyisi yurchi yézisida tughulghan. 1987 - Yili 8 - ayning 11 - küni aqsu gézitide "ustazim" namliq shé'irining élan qilinishi bilen edebiy ijadiyetke kiriship ketken tuyghun abduweli, ta 1992 - yili türmige qamalghiche bolghan ariliqta 300 parche shé'iri, 50 parchigha yéqin hékaye we obzori élan qilin'ghan.

Bu eserliri xelq arisida melum derijide tesir qozghighan. 1992 - Yilidin 1996 - yilighiche ürümchi birinchi türmide qamalghan tuyghun abduwelining u yillarda ijadiyiti tamamen toxtap qalghan idi.

1998 - Yilidin bashlap qaytidin qoligha qelem élip yézishqa bashlighan yash sha'ir tuyghun abduweli, 2003 - yili wetinidin ayrilip, pakistan türkiye qatarliq ellerde sergerdan bolup yürüp, 2004 - yili 12 - ayning 21 - küni kanadaning toronto shehirige kélip olturaqlashqan. U hazir edebiy ijadiyitini kanadada dawam qildurmaqta.

Sha'irning ijadiyiti we shé'irlar toplimi heqqide tepsili melumat élish üchün sha'ir tuyghun abduweli bilen téléfon ziyariti élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet