Америка уйғурлири йеңи йилни күтүвалди


2006-01-02
Share
Рабийә қадир ханим йеңи йил паалийитидә сөз қилмақта

Йеңи йил һарписи күни америкиниң пайтәхти вашингтонға җәм болған уйғурлар тәнтәнә билән 2006 ‏- йилни күтүвалди.

Америка уйғур бирләшмиси уюштурған мәзкур паалийәттә, нюйорк, калифорнийә, бостон, охайо қатарлиқ бир қанчә шитатлардин кәлгән 200 гә йеқин уйғур қатнашти, мурасим риясәтчиси пүтүн меһманларниң мурасимға қәдәм тәшрип қилғанлиқиға алаһидә рәхмәт билдүрүш билән биргә, сөзини "бүгүнки бу қутлуқ күн биз үчүн қош байрам болди, биз йеңи йилни мәнивий анимиз рабийә қадир ханим билән биргә қутлаватимиз, шуңа бу биз үчүн толиму әһмийәтлик бир күн болди" деди.

Мәшһур кишилик һоқуқ паалийәтчиси рабийә қадир ханим тәклипкә бинаән сөзгә чиқип, өзиниң уйғур дәвасини техиму җанландуридиғанлиқи, уйғур хәлқи үчүн давамлиқ паалийәт қилидиғанлиқини билдүрүш билән биргә, өзиниң паалийәтлиригә мәниви вә иқтисадий җәһәтләрдин ярдәм бериватқан уйғурларға рәхмәт ейтти.

Бу қетимқи йеңи йил мурасимиға, дуня уйғур қурултийиниң баш тәптиши, шветсийә уйғур комитетиниң рәиси, мәшһур музикант нахшичи көрәш көсән әпәндиму тәклип билән қатнашқан болуп, униң нахша вә декламатсийилири йиғилишниң кәйпиятини техиму юқири көтүрди.

Йеңи йил мурасимида йәнә, юрт чоңлири уйғурларниң иттипақлиқи, уйғур давасини техиму йүксәлдүрүш үчүн йәнә қандақ паалийәтләрни елип бериш һәққидә пилан, тәклиблирини оттуриға қойди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт