Amérika Uyghurliri yéngi yilni kütüwaldi


2006-01-02
Share
Rabiye qadir xanim yéngi yil pa'aliyitide söz qilmaqta

Yéngi yil harpisi küni amérikining paytexti washin'gton'gha jem bolghan Uyghurlar tentene bilen 2006 ‏- yilni kütüwaldi.

Amérika Uyghur birleshmisi uyushturghan mezkur pa'aliyette, nyuyork, kaliforniye, boston, oxayo qatarliq bir qanche shitatlardin kelgen 200 ge yéqin Uyghur qatnashti, murasim riyasetchisi pütün méhmanlarning murasimgha qedem teshrip qilghanliqigha alahide rexmet bildürüsh bilen birge, sözini "bügünki bu qutluq kün biz üchün qosh bayram boldi, biz yéngi yilni meniwiy animiz rabiye qadir xanim bilen birge qutlawatimiz, shunga bu biz üchün tolimu ehmiyetlik bir kün boldi" dédi.

Meshhur kishilik hoquq pa'aliyetchisi rabiye qadir xanim teklipke bina'en sözge chiqip, özining Uyghur dewasini téximu janlanduridighanliqi, Uyghur xelqi üchün dawamliq pa'aliyet qilidighanliqini bildürüsh bilen birge, özining pa'aliyetlirige meniwi we iqtisadiy jehetlerdin yardem bériwatqan Uyghurlargha rexmet éytti.

Bu qétimqi yéngi yil murasimigha, dunya Uyghur qurultiyining bash teptishi, shwétsiye Uyghur komitétining re'isi, meshhur muzikant naxshichi köresh kösen ependimu teklip bilen qatnashqan bolup, uning naxsha we déklamatsiyiliri yighilishning keypiyatini téximu yuqiri kötürdi.

Yéngi yil murasimida yene, yurt chongliri Uyghurlarning ittipaqliqi, Uyghur dawasini téximu yükseldürüsh üchün yene qandaq pa'aliyetlerni élip bérish heqqide pilan, tekliblirini otturigha qoydi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet