Öz yéride kün körelmigen xitay déhqanliri Uyghur élide béyimaqta

• Muxbirimiz méhribanning bu heqtiki melumati
• Download story audio

Yéqinqi yillardin buyan, xitay ölkiliridiki déhqanlar öz yer -ziminini tashlap, sheherlerge kirip medikarliq qilidighan ehwal éghirlishish bilen bir waqitta, öz térilghu yéridin ayrilip qalghuchilar sanimu barghanséri köpeygen. Lékin ademni heyran qalduridighini, öz zéminida yersiz qalghan bu xitay déhqanliri Uyghur élige éqip kirip, qisqighine waqit ichide türlük yollar arqiliq, tesewwur qilghusiz halette béyip ketken.

Yéqinda radi'omizning ziyaritini qobul qilghan Uyghur élining jenubi rayonidiki bir Uyghur déhqan mezkur jaydiki Uyghur we xitay déhqanlirining turmush sewiyisining asman - yer perqlinidighanliqini sözlep berdi. Uning bildürüshiche, mezkur jaygha xitay ölkiliridin éqip kéliwatqan déhqanlar sani barghanséri köpishish bilen bir waqitta, ularning turmush sewiyisimu nahayiti téz sür'ette örlep ketken. Shundaqla herqandaq bir xitay déhqinining nechche yüz mu hetta ming molap yéri bolup, ular héchqachan Uyghur déhqanlirigha oxshash hashar emgikige chiqip baqmighan, eksiche, hashardin bash kötürelmey, öz térilghu yéridin waz kechken Uyghur déhqanliri bay xitay déhqanlirining étizida künlük ishleydiken.

Bu heqtiki tepsili melumatlarni, muxbirimiz méhribandin anglang.