Uyghur wekilliri ramizan éyida xelq'ara yermenkide

• Ixtitari muxwirimiz erkin tarimning bu heqtiki melumati
• Download story audio

Yermenkidin bir körünüsh

Ramazan éyi munasiwiti bilen enqerening kechi'oren rayonluq hökümetning orunlashturushi bilen xelq'ara yermenke ötküzüldi. Bu yermenkige misir, azerbayjan, kirim tatarliri, xitay we taylandqa oxashash döletlerdin bashqa türkiyining 81 wilayitidinmu shirketler qatnashmaqta.

Uyghurlardin sherqiy türkistan medeniyet we hemkarliq jem'iyiti enqere shöbisi bu yermenkide bölme échip Uyghurlarning milli kiyim kécheklirini, chalghu eswablirini, qol hünerwenchilik boyumlirini tonutmaqta. 30 Kün dawam qilidighan bu yermenkide her kün axsham bir dölet yaki bir wilayet özlirining milli sen'itini tonutidighan bolup, 10-ayning 14-kuni Uyghur kéchilikige ayrilghan. Bu xelq'ara yermenke heqqide melumat élish üchün.

Bu yermenkini orunlashturghan kechi'oren rayonluq hökümetning mu'awin bashliqi ibrahim terzi'ogli bu heqte ziyaritimizni qobul qilip, yermenkini ötküzüshtiki meqsiti üstide toxtilip mundaq dédi:

Buni ötküzüshtiki meqsitimiz rayonimiz bir milyonluk nopusqa ige bir rayondur. Ramazan boyiche xelqimizning soda - sétiq qilish, iptardin kéyin köngül échish we herqaysi dölet we wilayetlerning özige has medeniyitini tonutush meqsiti bilen ötküziwatimiz. Bu hem tijaret hem medeniyet pa'aliyitidur.

Ibrahim terzi'oghli ependi bu yermenkide sherqiy türkistan bölmisini éshishning ehmiyiti üstide toxtilip mundaq dédi:

Men hazir Uyghur tarixchi haji yaqup anatning maqalilirini oquwatimen, sherqiy türkistan mesilisi türkiyining tashqi siyasettiki eng ajiz noqtisi. Biz türk milliyetchiliri bolush süpitimiz bilen her da'im sherqiy türkistanliqlarning yénida bolup kelduq. Rayon bashliqimiz bir baghchigha eysa yüsüp alptekining ismini bergende xitay elchixanisi mesulliri biz bilen körüshüshni telep qilghan idi. Biz bu telipini ret qilghan iduq. Biz mehmut qeshqiri, yüsüp has hajiplarning ewladi bolghan Uyghur türklirining tatiwatqan zulimigha qarap turalmaymiz. Könglimiz dölitimizningmu ige chiqishini arzu qilatti. Emma bekla passip qeliwastidu. Shunga biz bu xil yermenkilerdimu bolsa Uyghur türklirige yer bérip, ularning derdini türk jama'etchilikige anglitishigha shert shara'it yaritip bérimiz. Ramazan boyiche bu yerni onminglarche kishi ziyaret qilidu. Shunga bu dawani anglitish üchün buyer tolimu muwapiq.

Uyghur bölümini achqan sherqiy türkistan medeniyet we hemkarliq jem'iyiti ankara shöbe bashliqi xayrullah efendigil ependimu buz heqte ziyaritimizni qobul qilidi.