Xelq'ara bi'o -ximiyilik qorallar térrorchiliqigha qarshi turush yighini fransiyide ötküzüldi


2005-03-02
Share

Ikki kün dawamlashqan tunji nöwetlik xelq'ara bi'o-ximiyilik qorallar térrorchiliqigha qarshi turush yighini 3 -ayning 1 -küni, xelq'ara saqchi teshkilatining merkizi turushluq fransiyide ötküzüldi.

155 Dölettin kelgen 400 neper mutexessis we saqchi emeldarliri bu qétimqi yighin'gha qatnashti.

Fransiye ichki ishlar ministiri willépin ependi, mezkur yighinda pütün dunya xelqini ortaq hemkarliship, yéngi esirde yüz bériwatqan térrorluq tehditige taqabil turushqa chaqirdi.

Xelq'ara saqchi teshkilati- bi'o -ximiyilik qorallar térrorchiliqini, yéngi esirde pütün yer shari duch kéliwatqan térrorluq tehditi dep qaraydu. Xelq'ara saqchi teshkilatining bu heqtiki doklatida éytilishiche, bi'o -ximiyilik qorallar neziriyisi, chégra halqighan, milliy, iqtisadiy, siyasiy seweblerning tesirige uchrighan térrorluq tehditi bolup, bu xil heriket meyli qeyerde yüz bérishidin qet'i nezer pütün yer sharida, özining jiddi we uzun muddetlik intayin selbiy bolghan tesirini körsitidu.

Nöwettiki ajizliq: bi'o -ximiyilik qorallar tehditige taqabil turush

Xelq'ara saqchi teshkilatining bash katipi ronald ependi yighinning échilish murasimida mundaq dep körsetti : "dunya xelqi üchün shuningdek rayon we dölet üchün élip éytqanda héchqandaq bir tehdit, bi'o -ximiyilik qorallar tehditidin xeterlik hésablanmaydu, buning eksiche nöwette bi'o -ximiyilik qorallar tehditige taqabil turush xelq'ara saqchi teshkilatining nöwettiki ajizliqliridin biri hisaplanmaqta".

Ronald ependi yene mundaq dep tekitlidi:"bi'o -ximiyilik qorallar térrorchiliqi, hergiz pen - téxnikiliq xiyal emes, belki emiliy tehdit. Térrorluq teshkilat bazisi, intérnét tor betliride bi'o - ximiyilik qorallarni yasash lahiyisini élan qilish bilen birge , bu xil qorallarni ishlitish hujumi élip baridighanliqini élan qildi".

Fransiye ichki ishlar ministiri willépin ependi, yighinning birinchi küni bi'o - ximiyilik qorallargha taqabil turush hemkarliqini kücheytishni otturigha qoyup, hujumgha qarita qayturma zerbe bérishning birdin - bir ünümlük charisi "xeliq'araning ortaq hemkarlishishi" dep körsetti.

Uchur-alaqini kücheytish kérek

Willépin ependi yighin ehlige yene, yawrupa bilen pütün yer sharining tereqqi qilghan intérnét sistémisidin paydilinip, uchur we melumat sanliq ambiri tesis qilishni , bu arqiliq bi'o - ximiyilik tejribixana we aldin melumat béreleydighan küzetküchi sistéma qurup, sezgür ximiyilik maddilarni oghrilash, sétish hemde bu xil maddilarni sürüshtürüsh qatarliq ish heriketlerni charlash shuningdek ximiyilik maddilarni yasighan guroh we shexslerning tizimlikini turghuzush kéreklikini tekitlidi.

Xelq'ara saqchi teshkilati teripidin uyushturulghan bu qétimqi yighinda nurghun mutexessisler, bi'o -ximiyilik térorchiliqning baktiriyidin paydilinip, baktiriye bilen ximiyilik maddilarni bir - birige arilashturup, qesten adem öltürüsh we saqaymas késellik tarqitish meqsitini ishqa ashurushtek térrorluq qilmishidin ibaret ikenlikini, buning xelq'ara jemiyetke intayin éghir tehdit élip kélidighanliqini bildürdi.

Parizh mudapi'e tetqiqat fondidiki marrét qatarliq analizchilarning qarishiche, bi'o - ximiyilik qorallar, özini öltüriwilish xaraktérlik partlatquch hujum we bashqa térrorluq herketliridin tamamen perqliq bolup, ochuq qilip éytqanda, bi'o - ximiyilik térrorluq hujumi haman bir küni yüz bérishi mumkin iken . Nöwette her qaysi dölet saqchilirining bi'o - ximiyilik térrorchiliqqa qayturma zerbe bérish üchün téxi yéterlik teyyarliqi yoq iken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet