Uyghur mesilisi 10 - nöwetlik türk dunyasi dostluq qérindashliq hemkarliq qurultiyida

• Ixtiyari muxbirimiz erkin tariming bu heqtiki toluq melumati
• Download story audio

Türkiyining antalya shehiride 9-ayning 18-küni bashlighan 10 - nöwetlik türk dunyasi dostluq qérindashliq hemkarliq qurultiyi dawam qilmaqta. Qurultaygha ottura asiyadiki 5 türkiy jumhuriyettin kelgen wekillerdin bashqa mongghuliye we dunyaning herqaysi jayliridin kelgen rehberler, mutexessisler, bilim ademliri, karxanichilar we ammiwiy teshkilat rehberliridin bolup 600 etrapida kishi qatnashmaqta.

Uyghurlargha wakaliten sherqiy türkistan wexpi bash sékrétari hamut köktürk ependi, sherqiy türkistan medeniyet we hemkarliq jem'iyiti séyit tumtürk ependi, enqere shöbisi bashliqi xeyrulla efendigil ependi, Uyghur ilim ademliridin doktor sultan maxmut, ege uniwérsitéti oqutquchisi doktor alimjan inayet qatarliq wekiller qatnashmaqta.

Qurultayda herqaysi türkiy milletlerdin kelgen hey'et bashliqliri soz qildi. Uyghur wekiller namidin séyit tumtürk ependi soz qildi, u sözide türkiy döletlerning Uyghurlargha qarshi qérindashliqqa yarashmaydighan siyaset élip bériwatqanliqini, hetta panaliq tiligen Uyghurlarni xitaylarga tapshurup bergenlikini, hüsenjan jélilni missal bérip turup anglatti. Héq bolmighanda musteqil türkiy jumhuriyetlirining qérindashliqqa, insanliqqa yarashqan halda Uyghur siyasiti élip bérishi kéreklikini tekitlidi. Séyit tumtürk ependining nutqi pütün qurultay ehlining alqishigha sazawer boldi.

Bügün qurultay wekilliri 4 guruppa halida muzakire élip bardi bu guruppilar xelq'ara munasiwet metbu'at guruppisi, iqtisadi, tijari, maliye jehettiki munasiwetler guruppisi, medeniyet guruppisi, ma'arip we bilim téxnologiye guruppisi, yashlar guruppisi, ammiwiy teshkilatlar we qanun guruppisi. Bu guruppilirigha qatnashqan wekiller yuqiridiki sahelerde türkiy döletler we türkiy milletler arisidiki mewjut munasiwetni we hemkarliqini kücheytish bilen birlikte bu sahelerde yéngi pilanlarni qurup chiqidiken. Bulardin bashqa türk dunyasidiki mesililerni otturigha qoyulup, hel qilish yolliri heqqide izdinilidiken.

Uyghur wekiller qaysi guruppilargha qatnashti, Uyghurlarning qaysi mesililirini otturigha qoydi? bu heqte melumat élish üchün ixtiyari muxbirimiz erkin tarim Uyghur wekillirini ziyaret qildi.