"Йипәк йолиниң мәнбәси --- шинҗаңдин йеңи тепилған җаһанни зил - зилгә салған асарә - әтиқиләр каталоги"


2008.01.02
Share on WhatsApp
Share on WhatsApp

4000YilliqOtuk-200.jpg
Германийиниң берлинда елип бериливатқан, 2007 -йили 14 - өктәбирдин тартип 2008 - йили 14 - январғичә давамлишидиған, "йипәк йолиниң әсли қияпити" намлиқ көргәзмидә көрситиливатқан, уйғур елиндин тәпилған, 4000 йиллиқ тарихқа игә, хурум өтук. AFP Photo

Һазир уйғур дияридин йеңидин тепилған 190 хилдин артуқ асарә - әтиқиләрниң әвришкилири германийә музийлири вә сәнәт сарайлирида көргәзмә қилиниватқан болуп, бу, уйғур мәдәнийитигә аит ялдамиларниң тунҗи қетим яврупа тупрақлирида ашкара көрситилиши болуп һесаблинидикән.

2007 - Йили 13 - өктәбир күни башланған бу көргәзмә 2008 - йили 14 - январ күнигичә давам қилидикән. Хәвәрләрдә көрситилишичә, өткән йили өктәбирдин башлап гезит - журналлар вә интернет сәһипилиридә давриңи болуватқан бу асарә - әтиқиләрниң тарихи вә сүпити зиярәтчиләрниң қәлбини ләрзигә салған.

Бүгүн "җәнубий германийә гезити" вә з д ф, артә телевизийә қаналлириниң тор бәтлиридә бу асарә - әтиқиләрниң каталоги базарға селинмақта. Бу каталогқа "йипәк йолиниң мәнбәси __ шинҗаңдин йеңи тепилған җаһанни зил - зилигә салған асарә - әтиқиләр каталоги," дәп нам қоюлған болуп, 29.90 явро баһа бекитилгән. Алфриәд виәкзорәк вә чристопһ линд тәрипидин түзүлгән 300 бәтлик бу каталогқа уйғурлар мәдәнийитигә аит болған һәр хил асарә - әтиқиләрниң 300 парчә рәсими киргүзүлгән.

Тарим вадисидин тепилған 4000 йиллиқ момийадин бириниң сүрити.
Германийиниң берлинда елип бериливатқан, 2007 -йили 14 - өктәбирдин тартип 2008 - йили 14 - январғичә давамлишидиған, "йипәк йолиниң әсли қияпити" намлиқ көргәзмидә көрситиливатқан, уйғур елиндин тәпилған, 4000 йиллиқ тарихқа игә, адәм әвришкиси (мамиси) . AFP Photo

Бу каталогқа киргүзүлгән асарә - әтиқиләр ичидә 4 миң йиллиқ тарихқа игә болған қиммәтлик ядикарлиқларниңму орун тутидиғанлиқи һәмдә тарим вадисидин тепилған пүтүн сақланған җәсәтләр вә һәр хил мәдәнийәт ядикарлиқлириниң җаһанни ләрзигә салидиғанлиқи тәпсилий изаһланған.

Төвәндә баш шитаби германийиниң франкфурт шәһиридә болған "шәрқий түркистан бирлики" тәшкилатиниң рәиси, уйғур зиялийси күрәш атахан әпәндиниң уйғур мәдәнийитигә аит асарә - әтиқиләр һәққидики пикирлирини аңлайсиләр. (Әкрәм)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.