"Yipek yolining menbesi --- shinjangdin yéngi tépilghan jahanni zil - zilge salghan asare - etiqiler katalogi"

• Muxbirimiz ekremning bu heqtiki toluq melumati
• Download story audio

Gérmaniyining bérlinda élip bériliwatqan, 2007 -yili 14 - öktebirdin tartip 2008 - yili 14 - yanwarghiche dawamlishidighan, "yipek yolining esli qiyapiti" namliq körgezmide körsitiliwatqan, Uyghur élindin tepilghan, 4000 yilliq tarixqa ige, xurum ötuk. AFP Photo

Hazir Uyghur diyaridin yéngidin tépilghan 190 xildin artuq asare - etiqilerning ewrishkiliri gérmaniye muziyliri we sen'et saraylirida körgezme qiliniwatqan bolup, bu, Uyghur medeniyitige a'it yaldamilarning tunji qétim yawrupa tupraqlirida ashkara körsitilishi bolup hésablinidiken.

2007 - Yili 13 - öktebir küni bashlan'ghan bu körgezme 2008 - yili 14 - yanwar künigiche dawam qilidiken. Xewerlerde körsitilishiche, ötken yili öktebirdin bashlap gézit - zhurnallar we intérnét sehipiliride dawringi boluwatqan bu asare - etiqilerning tarixi we süpiti ziyaretchilerning qelbini lerzige salghan.

Bügün "jenubiy gérmaniye géziti" we z d f, arte téléwiziye qanallirining tor betliride bu asare - etiqilerning katalogi bazargha sélinmaqta. Bu katalogqa "yipek yolining menbesi __ shinjangdin yéngi tépilghan jahanni zil - zilige salghan asare - etiqiler katalogi," dep nam qoyulghan bolup, 29.90 Yawro baha békitilgen. Alfri'ed wi'ekzorek we christoph lind teripidin tüzülgen 300 betlik bu katalogqa Uyghurlar medeniyitige a'it bolghan her xil asare - etiqilerning 300 parche resimi kirgüzülgen.

Gérmaniyining bérlinda élip bériliwatqan, 2007 -yili 14 - öktebirdin tartip 2008 - yili 14 - yanwarghiche dawamlishidighan, "yipek yolining esli qiyapiti" namliq körgezmide körsitiliwatqan, Uyghur élindin tepilghan, 4000 yilliq tarixqa ige, adem ewrishkisi (mamisi) . AFP Photo

Bu katalogqa kirgüzülgen asare - etiqiler ichide 4 ming yilliq tarixqa ige bolghan qimmetlik yadikarliqlarningmu orun tutidighanliqi hemde tarim wadisidin tépilghan pütün saqlan'ghan jesetler we her xil medeniyet yadikarliqlirining jahanni lerzige salidighanliqi tepsiliy izahlan'ghan.

Töwende bash shitabi gérmaniyining frankfurt shehiride bolghan "sherqiy türkistan birliki" teshkilatining re'isi, Uyghur ziyaliysi küresh ataxan ependining Uyghur medeniyitige a'it asare - etiqiler heqqidiki pikirlirini anglaysiler. (Ekrem)