Rosiye dalay lamagha wiza bérishni oylishidighanliqini bildürdi

Rosiye tashqi ishlar ministirliqi peyshenbe küni bayanat élan qilip, tibetning sürgündiki diniy dahisi dalay lamagha wiza bérishni oylishidighanliqini bildürdi.

Rosiye tashqi ishlar ministirliqining bayanatchisi" eger dalay lama rosiyini ziyaret qilish telipini otturigha qoysa, u halda moskiwa uninggha wiza bérishni oylishidu" dep bildürgen. U yene,dalay lamaning téxi rosiye tashqi ishlar minsitirliqigha bundaq bir iltimasni sunmighanliqini tekitligen.

Biraq mezkür bayanatchi yene, dalay lama rosiyini ziyaret qilghan teghdirdimu, rosiyining tibetke tutqan meydanining özgermeydighanliqini, tibetning xitayning bir qismi dep qaraydighanliqini tekitligen.

Dalay lamaning sürgündiki hökümiti peyshenbe küni buninggha derhal inkas qayturup, dalay lamaning rosiyini ziyaret qilishni xalaydighanliqini bildürdi. Tibet sürgündiki hökümitining bayanatchisi sabtin semfil qalmaqistan jumhiriyiti prizédintining dalay lamani yerlik buddéstlargha diniy telim bérishke teklip qilghanliqini, eger rosiye hökümiti wiza berse, dalay lamaning qalmaqistan'gha bérishni xalaydighanliqini körsetti. (Arzu)