دالاي لاما ئامېرىكىدا "تىنچلىق ۋە مېھرى شەپقەت" ھەققىدە نۇتۇق سۆزلىدى


2005-11-14
Share

تىبەتنىڭ دىنىي ۋە سىياسىي داھىيسى دالاي لاما، ئامېرىكىدا زىيارەتتە بولۇش داۋامىدا "يەر شارى تىنچلىقى ۋە مېھرى - شەپقەت" دېگەن تېمىدا نۇتۇق سۆزلىدى.

13 - نويابىر كۈنى ۋاشىنگتون شەھىرىدە 16 مىڭ كىشىگە نۇتۇق سۆزلىگەن دالاي لاما، دۇنيا تىنچلىقى، مېھرى - مۇھەببەت ، نەپرەت، دىنىي ئېتىقاد قاتارلىق مەسىلىلەر، بولۇپمۇ دۇنيا ئەللىرى نۆۋەتتە ئەڭ كۆڭۈل بۆلۈۋاتقان يادرو قوراللىرى مەسىلىسى بىلەن كىشىلىك ھوقۇق مەسىلىسى ئۈستىدە ئالاھىدە توختالدى.

دالاي لامانىڭ نۇتۇق مۇراسىمىغا ئۇيغۇرلارنىڭ مەنىۋى ئانىسى، مەشھۇر كىشىلىك ھوقۇق پائالىيەتچىسى رابىيە قادىر خانىم قاتناشتى. ئۇ دالاي لاماغا ئۇيغۇرچە بەقەسەم تون بىلەن دوپپا كىيدۈردى. دالاي لامامۇ رابىيە خانىمغا تىبەتلىكلەرنىڭ ئەڭ ھۆرمەتلىك كىشىلەرگە سوغا قىلىدىغان ئاق رەختتىن تىكىلگەن خادىسىنى تەقدىم قىلدى.

دالاي لاما نۇتقىدا ئۇيغۇرلار ھەققىدە ئالاھىدە توختۇلۇپ، ئۇيغۇرلارنىڭ مۇسۇلمان، ئاق كۆڭۈل خەلق بولغانلىقىنى ۋە تىبەتلىكلەر بىلەن تەقدىرداش ئىكەنلىكىنى شۇنىڭدەك ئۇيغۇرلار بىلەن تىبەتلىكلەر ئوتتۇرىسىدا چوڭقۇر دوستلۇق ئورنىتىلغانلىقىنى بىلدۈردى. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت