Далай лама америкида "тинчлиқ вә меһри шәпқәт" һәққидә нутуқ сөзлиди


2005.11.14
Share on WhatsApp
Share on WhatsApp

Тибәтниң диний вә сиясий даһийси далай лама, америкида зиярәттә болуш давамида "йәр шари тинчлиқи вә меһри - шәпқәт" дегән темида нутуқ сөзлиди.

13 - Ноябир күни вашингтон шәһиридә 16 миң кишигә нутуқ сөзлигән далай лама, дуня тинчлиқи, меһри - муһәббәт , нәпрәт, диний етиқад қатарлиқ мәсилиләр, болупму дуня әллири нөвәттә әң көңүл бөлүватқан ядро қораллири мәсилиси билән кишилик һоқуқ мәсилиси үстидә алаһидә тохталди.

Далай ламаниң нутуқ мурасимиға уйғурларниң мәниви аниси, мәшһур кишилик һоқуқ паалийәтчиси рабийә қадир ханим қатнашти. У далай ламаға уйғурчә бәқәсәм тон билән доппа кийдүрди. Далай ламаму рабийә ханимға тибәтликләрниң әң һөрмәтлик кишиләргә соға қилидиған ақ рәхттин тикилгән хадисини тәқдим қилди.

Далай лама нутқида уйғурлар һәққидә алаһидә тохтулуп, уйғурларниң мусулман, ақ көңүл хәлқ болғанлиқини вә тибәтликләр билән тәқдирдаш икәнликини шуниңдәк уйғурлар билән тибәтликләр оттурисида чоңқур достлуқ орнитилғанлиқини билдүрди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт