Җоңго далай ламаниң моңғулийә зияритигә наразилиқ билдүрүштин ваз кәчти

• 
  2006-08-22

Моңғулийидики җоңго әлчиханиси уланбатурда сәйшәнбә күни буддистларни қобул қилған тибәт роһани даһиси далай ламаниң моңғулийә зиярити сияси паалийәткә четилмайдиғанлиқини игиллигәндин кейин, наразилиқ билдүрүш пиланидин ваз кәчти.

Далай лама шу күни уланбатурдики моңғулийә бойичә әң чоң будда ибадәтханиси гандантегчиң бутханисида миңлиған буддист вә саяһәтчиләрниң күтүвелишиға еришкән. У, тиңшиғучиларға етиқатниң әһмийитини "биз һазирғичә қийинчилиқларни етиқатимизға тайинип йеңип кәлдуқ," дәп чүшәндүрди. Бу далай ламаниң 1979 - бери моңғулийини һазирғичә 7 - қетим зиярәт қилишидур.

Җоңго даирилири далай ламаниң моңғулийә зияритигә изчил қарши туруп кәлмәктә. Бирләшмә ахбарат агентлиқиниң хәвәр қилишичә, уланбатурдики җоңго әлчиханисиниң баянатчиси" биз һазирчә бу мәсилә тоғрисида қошумчә баянат елан қилмаймиз яки баһа бәрмәзймиз," дәп тәкитлигән.

Далай лама дүшәнбә күни уланбатурға йетип кәлгәндин кейин моңғулийә ташқий ишларминистирлики " далай лама сияси паалийәткә қатнашмайду," дәп баянат елан қилди. Далай лама 2002 - йили моңғулийини зиярәт қилғанда җоңго бейҗиң - уланбатур төмүрйолини 2 күн тохтитип қойған. (Әркин)