Ху җинтавға наразилиқ билдүргән бир тибәтлик өзигә от қоюш билән биргә, хитай байриқини көйдүрүп ташлиди


2006.11.23
Share on WhatsApp
Share on WhatsApp

Lhakpa Исимлик бир тибәтлик 23‏- ноябир күни һиндистанда зиярәттә болуватқан хуҗинтавға наразилиқ билдүрүп , өзигә от қойди.

Ройетирс агентлқиниң хәвиригә қариғанда, Lhakpa өзигә бензин чечип от қоюп, " тибәткә азатлиқ" " ху җинтав болса қатил" дегәнгә охшаш шуарларни товлиған вә хитайниң дөләт байриқини көйдүрүвәткән. Һиндистан сақчилири униңға туташқан отни дәрһал өчүрүп, уни елип кәткән.

Лакпаниң икки пути еғир дәриҗидә көйүп кәткән болуп, у 12 нәпәр тибәтлик билән, ху җинтавға зияпәт бериливатқан момбайдики меһманхана алдида учисиға " хитай , тибәттин дәрһал чиқип кәтсүн" , "хитай әхлақта начар , дост болушқа әрзимәйдиған дөләт" қатарлиқ хәтләр чүшүрүлгән майкиларни кийип, намайиш елип барған.

Хитай дөләт рәиси ху җинтав һиндистанда елип барған 4 күнлүк зияритини бүгүн аяқлаштурди. Сүргүндики тибәт һөкүмитиниң ейтишичә, ху җинтавға наразилиқ билдүрүш сәвәбидин 21 тибәтлик һиндистан сақчилири тәрипидин тутуқланған.

Һиндистан, хитайдин нарази болуп, тибәттин қечип кәлгән тибәтликләрни өз һимайиси астиға еливатқан асаслиқ дөләтләрдин бири һесаблиниду.

Ху җинтав бу қетим елип барған һиндистан зияритидә икки тәрәп оттурисидики сиясий вә иқтисадий мунасивәтләр үстидә музакирә елип барған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.