Xu jintawgha naraziliq bildürgen bir tibetlik özige ot qoyush bilen birge, xitay bayriqini köydürüp tashlidi


2006-11-23
Share

Lhakpa Isimlik bir tibetlik 23‏- noyabir küni hindistanda ziyarette boluwatqan xujintawgha naraziliq bildürüp , özige ot qoydi.

Royétirs agéntlqining xewirige qarighanda, Lhakpa özige bénzin chéchip ot qoyup, " tibetke azatliq" " xu jintaw bolsa qatil" dégen'ge oxshash shu'arlarni towlighan we xitayning dölet bayriqini köydürüwetken. Hindistan saqchiliri uninggha tutashqan otni derhal öchürüp, uni élip ketken.

Lakpaning ikki puti éghir derijide köyüp ketken bolup, u 12 neper tibetlik bilen, xu jintawgha ziyapet bériliwatqan mombaydiki méhmanxana aldida uchisigha " xitay , tibettin derhal chiqip ketsün" , "xitay exlaqta nachar , dost bolushqa erzimeydighan dölet" qatarliq xetler chüshürülgen maykilarni kiyip, namayish élip barghan.

Xitay dölet re'isi xu jintaw hindistanda élip barghan 4 künlük ziyaritini bügün ayaqlashturdi. Sürgündiki tibet hökümitining éytishiche, xu jintawgha naraziliq bildürüsh sewebidin 21 tibetlik hindistan saqchiliri teripidin tutuqlan'ghan.

Hindistan, xitaydin narazi bolup, tibettin qéchip kelgen tibetliklerni öz himayisi astigha éliwatqan asasliq döletlerdin biri hésablinidu.

Xu jintaw bu qétim élip barghan hindistan ziyaritide ikki terep otturisidiki siyasiy we iqtisadiy munasiwetler üstide muzakire élip barghan. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet