Richard gipér we dalay lamaning wekilliri amérikidin tibet mesililirini hel qilishqa yardem telep qildi


2007.03.13

Birleshme agéntliqining 13- mart washin'gitondin bergen xewirige qarighanda , bügün dangliq artis richard gipér we dalay lamaning wekilliri washin'giton'gha yighilip, amérika dölet mejilisidin tibetning aliy muxtariyetni qolgha keltürüsh shlirigha yardem bérishini ötündi.

Xitay burun tibet mesilisini di'alog arqiliq hel qilish toghrisda wede bergen. Xitay bilen dalay lamaning wekilliri 2002- yili resmiy alaqisini eslige keltürgen we shundin buyan 5 qétim resmiy uchrashqan. Xitay dalay lamani yoshurun halda tibetni musteqil qilish pa'aliyetliri bilen shughulliniwatidu dep eyibligen.

Mu'awin dölet katipi,amérikining tibet mesililiri buyiche alahide yarashturghuchisi pa'ula dobri'aniskyning bildürishiche, xitay bilen élip bérilghan di'aloglar héchqandaq ünüm bermigen. U yene, xitay hökümitining ipadisidin xitayning sohibetlerge estayidil mu'amile qilmighanliqini körüwalghili bolidighanliqini körsetti.

Uzundin buyan tibetlerning kishilik hoquqini himaye qilghuchi richard gipér bügün, amérika dölet mejilisini, xitayning dunyawi inawet tiklishide tibetlerning medeniy we rohiy mewjutluqining halqiliq amil ikenlikini xitaygha tonutushqa chaqirdi.

Dalay lamaning alahide elchisi lodi giyari munularni bildürdi : eger her ikkila terepning siyasiy jehette bu mesililerni hel qilishqa meyli bolsa, xitay bilen tibet arisidiki detalashning hel bolidighan pursiti choqum kilidu. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.