Хитай өлүм җазаси бәргән тибәт раһиби техичә һаят икән

Бир нәпәр хитай әмәлдариниң дүшәнбә күни мәлум қилишичә, хитай һөкүмити өлүм җазасиға һөкүм қилған тибәт раһиби тензен ринпочи техичә һаят икән.

53 яшлиқ бу тибәт раһибиниң өлүм җазасини иҗра қилиш вақти әсли 12 - айниң 2 - күни тошқан болуп, буниң алдида тибәтләрниң диний даһиси далай лама, америка вә канада һөкүмәтлири хитай һөкүмитидин уни атмаслиқни тәләп қилған иди.

Америка бирләшмә ахбарат агентлиқиниң сичуәндики түрмә башқуруш оргинидики җоу фамилилик бир нәпәр хадимниң сөзини нәқил кәлтүришичә, бу хадим мухбирға тензен ринпочиниң техичә һаят икәнликини, һәмдә униң түрмидики ипадиси яхши болғачқа уни техичә атмиғанлиқини ейтқан.

Хитай һөкүмити 2002 - йили 12 - айда тибәт раһиби 52 яшлиқ тензин ринпочи билән 28 яшлиқ лобсаң дондупни сичуәнниң гәнзи дигән йеридә партлитиш садир қилған дәп әйипләп өлүм җазасиға һөкүм қилған иди. Шундақла лобсаң дондопни 2003 - йили 1 - айда етип, тензин ринпочиниң өлүм җазасини икки йил кечиктүрүп иҗра қилишни һөкүм қилған. (Пәридә)