Xitay tibette dalay lamaning tesirini yoqitalmidi


2005.08.14

Gerche tibetning diniy we siyasiy dahiysi dalay lamaning tibettin ayrilghinigha 50 yildin artuq bir waqit ötken bolsimu, emma tibet xelqi hélimu uni özlirining dahiysi dep tonuydiken

Ro'étiris agéntliqining 14 - awghust küni tibetning paytexti lasadin xewer qilishiche, gerche tibetning diniy we siyasiy dahiysi dalay lamaning tibettin ayrilghinigha 50 yildin artuq bir waqit ötken bolsimu, emma tibet xelqi hélimu uni özlirining dahiysi dep tonuydiken. Hetta tibettiki bezi siyasiy we diniy erbablarmu dalay lamaning ti'ettiki tesirini inkar qilmaydiken we dalay lama tibet xelqining dini rehbiri bu bu heqiqetni özgertish mumkin emes deydiken.

Xewerde éytilishiche, xitay hökümiti dalay lamaning tibet xelqi arisidiki tesirini yuqitalmighan. Mushu sewebtin üch yil burun xitay hökümiti dalay lamaning wekilliri bilen tibet mesilisi üstide söhbet bashlighan.

Emma siyasiy analizchilar, xitay hökümiti bilen dalay lamaning wekilliri arisida élip bérilghan töt qétimliq söhbettin héchqandaq netije chiqmighanliqini, xitay hökümitining hetta dalay lamaning wekilliri bilen söhbet élip bérilghanliqini hazirghiche étirap qilmighanliqini bildürmekte.

Lékin, xelq'ara tibet herikitining bayanatchisi két sandersning éytishiche, gerche xitay bilen dalay lama wekilliri otturisida élip bérilghan söhbetlerdin hazirghiche bir netije chiqmighan bolsimu, bundaq söhbetlerning bashlighanliqining özi tibet mesliside chong bir burulushning béshariti hésablinidiken. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.