Xitay kéchikken bolsimu, tibetning paytextining en'eniwi xaraktérini qoghdashqa tirishiwatidu


2004.09.20

Fransiye axbarat agéntliqining xewer qilishiche, xitay hökümiti tibetning paytexti lasani özining qedimiy uslubi boyiche qaytidin qurup chiqish üchün bir heriket bashlighan.

Shinxu'a agéntliqining bildürüshiche, lasaning qedimiy en'eniwi xaraktérini qoghdash herikiti noyabir éyining axirighiche dawamlishidiken. Xewerde éytilishiche, bu heriket jeryanida, lasaning ikki asasliq kochisidiki binalar tibet milli uslubida yasap chiqilidiken.

Lasada uzun yillardin biri dawamliship kéliwatqan pilansiz sheherlishish we sheher nopusining tizdin éshishi, lasaning milliy we tarixiy xaraktérini yoqitishqa qarap yüzlinishige sewep bolghan.

Xitay hökümitining lasaning en'eniwi xaraktérini qoghdash üchün bashlighan herikiti Uyghur pa'aliyetchilirining diqqitini qozghimaqta. Ularning éytishiche, oxshash weziyetni Uyghur rayonidimu bayqash mumkin. Uyghur aptonom rayonining merkizi ürümchi özining milli xaraktérini pütünley yoqitish aldida turmaqta. Hetta qeshqer qatarliq Uyghurlar mutleq köp sanliqni igileydighan Uyghur qedimiy we tarixiy sheherlirimu özining milli xaraktérini yoqitish tehdidi astida turiwatidu. Yéqinda qeshqerdiki héytgah jama'esi etrapidiki qedimiy Uyghur bazar we mehellirining ornigha igiz qewetlik binalarning sélinishqa bashlighanlighi buning bir ispati.

Chet'ellerdiki Uyghur pa'aliyetchilirining bildürüshiche, tibetning paytexti lasaning en'eniwi xaraktérini qoghdash üchün heriket bashlighan xitay hökümitining, Uyghur sheherlirining milli xaraktérini yoqitish üchün heriket qilishi, béyjing hökümitining Uyghurlargha qaratqan siyasitining esli mahiyitini ashkarilaydu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.