Dalay xitay hökümitini tibet rahibining hayatini saqlap qélishqa chaqirdi


2004-12-02
Share

Tibetlerning sürgündiki diniy dahiysi dalay lama peyshenbe küni xitay hökümitini, ölüm jazasi bérilgen tibet rahibining hayatini saqlap qélishqa chaqirdi.

Amérika birleshme axbarat agéntliqining xewirige qarighanda, xitay hökümitining tibet rahibi 52 yashliq ténzén délég rinpochigha bergen ölüm jazasini ijra qilish waqti 12 - ayning 2 - küni toshidighan bolup, dalay lama xitay hökümitining bu mesilini qayta oyliship körüshini telep qildi.

Dalay sözide, "xitay hökümiti we munasiwetlik emeldarlar ilgiri bezi mesililerge qayta oylishish pursiti yaratqan idi. Shunga men ularning tibet rahibi rinpochining mesilisidimu mushundaq qilishini ümid qilimen" dédi.

Adette xitayda ölüm jazasini ikki yil kéchiktürüp ijra qilish jazasi waqit toshqandin kéyin, muddetsiz qamaq jazasigha özgertilidu. Emma tibet we Uyghurlarning mesilisi sezgür téma hisablan'ghachqa, rinpochining mesilisi bashqiche bir terep qilinishi mumkin.

Xitay hökümiti 2002 - yili 12 - ayda ténzin rinpochi bilen 28 yashliq lobsang dondupqa sichu'enning genzi digen yéride partlitish sadir qilghan dégen jinayet bilen ölüm jazasi höküm qilghan idi. Shundaqla, lobsang dondopni 2003 - yili 1 - ayda étip, ténzin rinpochining ölüm jazasini ikki yil kéchiktürüp ijra qilishni höküm qildi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.