Тибәт қоллиғучиси лозунка чиқарди: "ху җинтав сән бизни тосиялмайсән!"

• 
  2006-03-09

Бейҗиңда хитай хәлқ қурултийи билән сиясий кеңишиниң йиғини ечиливатқан бир пәйттә , тибәтниң һөрийитини тәшәббус қилғучи бир нәпәр тибәт паалийәтчиси тйәнәнмин әтрапида лозунка чиқирип наразилиқ билдүрди.

Чаршәнбә күни әтигәндә, шивитсарийә пуқраси болған ваңпо тихуң исимлик киши тйәнәнмин мәйданиниң шәрқи тәрипидики инқилаб тарихи музийи ишики алдида наразилиқ билдүрүш лозункисини чиқарған. Лозункиға "ху җинтав сән бизни тосиялмайсән" дегән хәт йезилған болуп , у паалийитидин кейин тизликтә велиспиткә менип қечип кәткән һәмдә һоңкоңға сақ саламәт қайтип кәлгән.

Мәркизи гирманийидики яврупа тибәт яшлири бирләшмисиниң испатлишичә , мәзкур намайишчи ваңпо тихуң хәлқара тибәт қоллиғучилири бирләшмисиниң әзаси икән. У наразилиқ намайишидин кейин мухбирларға хитай даирилириниң тибәткә қаратқан сиясәтлирини өзгәртишигә түрткә болуш үчүн бу ишни елип барғанлиқини билдүрди.

Хитай һөкүмити икки йиғин мәзгилидә 15 миң сақчи аҗритип бейҗиңда аманлиқни сақлаш тәдбирлирини елип , наразилиқ билдүргүчиләрни бастурмақта. (Әқидә)