Tibet qollighuchisi lozunka chiqardi: "xu jintaw sen bizni tosiyalmaysen!"

• 
  2006-03-09

Béyjingda xitay xelq qurultiyi bilen siyasiy kéngishining yighini échiliwatqan bir peytte , tibetning höriyitini teshebbus qilghuchi bir neper tibet pa'aliyetchisi tyen'enmin etrapida lozunka chiqirip naraziliq bildürdi.

Charshenbe küni etigende, shiwitsariye puqrasi bolghan wangpo tixung isimlik kishi tyen'enmin meydanining sherqi teripidiki inqilab tarixi muziyi ishiki aldida naraziliq bildürüsh lozunkisini chiqarghan. Lozunkigha "xu jintaw sen bizni tosiyalmaysen" dégen xet yézilghan bolup , u pa'aliyitidin kéyin tizlikte wélispitke ménip qéchip ketken hemde hongkonggha saq salamet qaytip kelgen.

Merkizi girmaniyidiki yawrupa tibet yashliri birleshmisining ispatlishiche , mezkur namayishchi wangpo tixung xelq'ara tibet qollighuchiliri birleshmisining ezasi iken. U naraziliq namayishidin kéyin muxbirlargha xitay da'irilirining tibetke qaratqan siyasetlirini özgertishige türtke bolush üchün bu ishni élip barghanliqini bildürdi.

Xitay hökümiti ikki yighin mezgilide 15 ming saqchi ajritip béyjingda amanliqni saqlash tedbirlirini élip , naraziliq bildürgüchilerni basturmaqta. (Eqide)