Тибәтликләр ху җинтавниң әнгилийә зиярити җәрянида кәң көләмлик намайиш өткүзмәкчи

• 
  2005-11-07

Дүшәнбә күни тибәтлик паалийәтчиләр, хитай дөләт рәиси ху җинтавниң бу һәптә ичидә әнгилийигә қилидиған зиярити җәрянида, униң зияритигә қарши наразилиқ намайиши елип баридиғанлиқини билдүрди.

Бу хитай дөләт рә ис ху җинтавниң әнгилийигә қаратқан тунҗи зиярити болуп һесаблиниду. 1999 - Йили әйни вақитдики хитай дөләт рәиси җяң земин әнгилийини зиярәт қилғанда, әнгилийә сақчилириниң тибәтликләр тәрипидин тәшкилләнгән наразилиқ намайишлирини бастуруши кишилик һоқуқ паалийәтчилирини ғәзәпләндүргән иди.

Әркин тибәт һәрикитиниң директори вайс ринд, ройтерис агентлиқиға бәргән баянатида, биз ху җинтавниң әнгилийә зиярити җәрянида уни қоғлап йүрүп, у қайси йәргә барса, шу йәргә берип намайиш қилимиз, деди.

Хәвәрләргә қариғанда, әнгилийә сақчи даирилири, тибәтлик паалийәтчиләргә, әгәр улар тинчлиқ билән намайиш өткүзсә, уларниң намайишиға тосқунлуқ қилмайдиғанлиқини билдүргән. Намайишчилар ху җинтавдин далай лама билән учиришишни қобул қилишини тәләп қилидикән. (Қанат)