Tibetlikler xu jintawning en'giliye ziyariti jeryanida keng kölemlik namayish ötküzmekchi

• 
  2005-11-07

Düshenbe küni tibetlik pa'aliyetchiler, xitay dölet re'isi xu jintawning bu hepte ichide en'giliyige qilidighan ziyariti jeryanida, uning ziyaritige qarshi naraziliq namayishi élip baridighanliqini bildürdi.

Bu xitay dölet re is xu jintawning en'giliyige qaratqan tunji ziyariti bolup hésablinidu. 1999 - Yili eyni waqitdiki xitay dölet re'isi jyang zémin en'giliyini ziyaret qilghanda, en'giliye saqchilirining tibetlikler teripidin teshkillen'gen naraziliq namayishlirini basturushi kishilik hoquq pa'aliyetchilirini ghezeplendürgen idi.

Erkin tibet herikitining diréktori ways rind, roytéris agéntliqigha bergen bayanatida, biz xu jintawning en'giliye ziyariti jeryanida uni qoghlap yürüp, u qaysi yerge barsa, shu yerge bérip namayish qilimiz, dédi.

Xewerlerge qarighanda, en'giliye saqchi da'iriliri, tibetlik pa'aliyetchilerge, eger ular tinchliq bilen namayish ötküzse, ularning namayishigha tosqunluq qilmaydighanliqini bildürgen. Namayishchilar xu jintawdin dalay lama bilen uchirishishni qobul qilishini telep qilidiken. (Qanat)