Yerkendiki bir kent yesliside oquwatqan 30 balidin 25 nepirining tutqunlar perzenti ikenliki ashkarilandi

Muxbirimiz shöhret hoshur
2021-08-13
Share
wetende-qalghan-balilar-meripet.jpg Yurtigha qaytsa lagérgha élip kétilishtin qorqup, türkiyede turup qalghan meripet xanim, yurtida qalghan 4 balisining resimini muxbirgha körsetken körünüsh. 2018-Yili 21-awghust, istanbul.
AP

Muhajirettiki uyghularning yurtida qélip qalghan ghayib perzentliri heqqide élip barghan éniqlashlirimiz dawamida, yerken chaharbagh yézisidiki bir kent yesliside oquwatqan 30 balidin 25nepirining anisi yaki dadisi tutqunda ikenliki ashkarilandi. Matériyallarda körsitilishiche, chaharbagh yézisi 15 kenttin terkib tapqan bolup, bir kentte 150 che a'ile nopusluq iken. Yene éniqlashlirimiz dawamida alaqidar xadimlardin biri ata-anisidin her ikkisi tutup kétilgen balilarning parawanliq merkizide ayrim terbiyeliniwatqanliqini melum qildi.

Hörmetlik radiyo anglighuchilar, biz muhajirettiki Uyghurlarning iz-dériki bolmaywatqan perzentliri üstidin élip barghan éniqlashlirimiz dawamida, ata-anisi tutqun qilinip ketken balilarning ayrim mekteplerde oquwatqanliqi, bu mekteplerning saqchi we amanliq xadimlirining 24 sa'et nazaritida bashquruliwatqanliqi melum boldi.

Kuchaning ishxala yézisida qurulghan bir parawanliq yesliside 40 neperche oqughuchi bar bolup, bu yeslining amanliq xadimi kéche-kündüz nöwetchiliktin bashqa özlirining üzlüksiz halda siyasiy öginishlerge qatnishidighanliqini bayan qildi. Melum bolushiche, balilarni ata-aniliri bilen iékranda körüshtürüsh we ularni bezlesh, bu amanliq xadimlirining muhim wezipiliridin biri iken.

Melum bolushiche, bu yeslilerde yesli oqutqchiliridin bashqa, saqchi we muhapizetchi xadimlarmu bar bolup, bular bir tereptin balilarning mektep ichidin chiqip ketmeslikige mes'ul bolsa, yene bir tereptin idiyiwiy halitige mes'ul iken. Yerken chaharbaghdiki bir kent yeslside mushundaq wezipini ötewatqan bir amanliq xadimning bayan qilishiche, u özi mes'ul bolghan yeslide 30 balidin 25 nepirining dadisi yaki anisi tutqunda iken. Bular qish künliri yataqta yatquzulsa, yaz künliri lagér sirtidiki apsi yaki dadisi teripidin yeslige ekilip ekitilidiken.

“Beydu” uchur ambirida körsitilishiche, yerkennning charharbagh yézisida 15 ming nopus bar bolup, yézidiki 15 kentining her biride 1000 che nopus, 150 che a'ile bar iken.

Mezkur amanliq xadimi tutqunlarning balilirining ruxset bérilgen ehwal astida, ékranda ata-anisi bilen körüshtürülidighanliqini bayan qilish bilen birlikte, körüshüsh jeryani heqqidimu melumat berdi.

Ularning bayanliridin balilarning ata-anisi bilen körüshkende könglidiki gepni déyelmeydighanliqi, ata-anilarningmu ulargha yürek sözlirini bayan qilalmaydighanliqi melum.

Türkiyediki xitay konsulxanisi aldida bir yilche dawamlashqan “A'ilem qeyerde” namaliq namayish pa'aliyitining aktip qatnashquchliridin biri omer hemdulla bolup, uning xitay hökümiti üstidiki shikayiti milyonér ikki akisining késiwétilgenlikila bolmastin, belki yene wetende 1we 2 yashta qépqalghan ikki perzentning iz-dérikiningmu yoqluqi idi. Biz bu bu ikki balining ehwalini sürüshte qilip bayin'gholin oblastliq edliye idarisigha téléfon qilduq. Alaqidar bir xadim ata-anisining her ikkilisila tutup kétilgen balilarning xelq ishliri idarisi bashqurishidiki parawanliq mektipide oquydighanliqini ashkarilidi. Emma mezkur mekteplerde qanchiliktin balining oquwatqanliqi heqqide melumat bermidi.

Hörmetlik radiyo anglighuchilar, yuqurida yerkendiki bir kent yesliside oquwatqan 30 balidin nepirining dadisi yaki apisi tutqunda ikenliki heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet