D u q péshqedem töhpikarlar we pa'aliyetchilerge médal teqdim qilghan

Ixtiyariy muxbirimiz erkin tarim
2022-03-15
Share
D u q péshqedem töhpikarlar we pa'aliyetchilerge médal teqdim qilghan D u q ichki ishlar komitétining mudiri bextiyar böre ependi péshqedem inqilabchi we yazghuchi exmet igemberdi ependi bilen yazghuchi söyün'gül xanimgha médal berdi. 2022-Yili 12-mart, awstraliye.
RFA/Erkin Tarim

Uyghur mesilisining xelq'aralishishigha egiship, dunya Uyghur qurultiyi Uyghur dewasigha töhpe qoshqan dunyaning her qaysiy jayliridiki pa'aliyetchilerge médal teqdim qildi. Bu munasiwet bilen 2022-yili 3-ayning 12-küni awstraliyening adélayd shehiride murasim ötküzülüp, péshqedem inqilabchi we yazghuchi exmet igemberdi ependi bilen yazghuchi söyün'gül xanimgha médal bérildi.

Dunya Uyghur qurultiyining re'isi dolqun eysa ependining teshebbusi bilen ichki ishlar komitétining mudiri bextiyar böre ependi pragada chaqirilghan 7-nöwetlik wekiller qurultiyining wekilliri bilen mexsus yighin ötküzgen. Mezkur yighinda qurultaygha baralmighan wekillerning guwahnamisi tarqitip bérilgen, shundaqla bundin kéyinki xizmet pilani heqqide muzakire élip bérilghan.

Yighinda aldi bilen bextiyar böre ependi söz qilip, exmet igemberdi ependi bilen söyün'gül chanishéf xanimning ömür bayani we sherqiy türkistan dewasigha qoshqan töhpisige yuquri baha bergen. Shundin kéyin 22 dek wekilge guwahnamiliri tarqitip bérilgen.

D u q ning 7-nöwetlik wekiller qurultiyigha baralmighan wekillerning guwahnamisi tarqitip bérildi. 2022-Yili 12-mart, awstraliye.
D u q ning 7-nöwetlik wekiller qurultiyigha baralmighan wekillerning guwahnamisi tarqitip bérildi. 2022-Yili 12-mart, awstraliye.
RFA/Erkin Tarim

D u q bergen médalni tapshurup alghandin kéyin, exmet igemberdi söz qilip, özining minnetdarliqini bildürgen. U sözide d u q ning xelq'arada Uyghurlargha wekillik qiliwatqan eng muhim teshkilat ikenlikini, özining 2004-yilidin buyan d u q ni. Izchil qollap kelgenlikini tekitligen.

Médal tapshurup alghan söyün'gül chanishéf xanimmu öz tuyghulirini bayan qilip ötken.

Mezkur murasim axirlashqandin kéyin, biz d u q ichkiy ishlar komitétining mudiri bextiyar böre ependini ziyaret qilduq. U aldi bilen adélaydtda ötküzülgen pa'aliyet heqqide melumat bérip ötti. U adélaydta uyushturulghan bu yighinda d u q ning péshqedem inqilabchilargha teqdim qilghan médallirini igilirige tapshurup bergenlikini bayan qilip ötti.

Bu yighin'gha awstraliyening adélayd shehiride pa'aliyet élip bériwatqan Uyghur ammiwiy teshkilatliri mes'ulliri, ziyaliylar we d u q ning wekilliridin bolup, köp sanda kishi ishtirak qilghan. Uyghur ziyaliysi yultuz téyipjan özining bu qétimqi yighindin alghan tesiratlirini bayan qilip ötti.

Awstraliye Uyghur muhajirlar eng deslep olturaqlashqan döletlerdin biri bolup, hazir adélaydta awstraliye sherqiy türkistan jem'iyiti, tengritagh xanim-qizlar uyushmisi, mélbornda wiktoriye Uyghur jem'iyiti qatarliq ammiwiy teshkilatlar pa'aliyet élip barmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet