Atushtiki bir kentte töwen kapalet puli élip turup namaz oqughan 10 kishi "Terbiyelesh" ke élip kétilgen

Muxbirimiz shöhret hoshur
2020-09-23
Élxet
Pikir
Share
Print
"5-Iyul ürümchi weqesi" ge bir yil boluwatqan mezgillerde meschit sirtida namaz ötewatqan kishiler. 2010-Yili 2-iyul, ürümchi.
"5-Iyul ürümchi weqesi" ge bir yil boluwatqan mezgillerde meschit sirtida namaz ötewatqan kishiler. 2010-Yili 2-iyul, ürümchi.
AFP

Aldinqi künidiki éniqlashlirimiz dawamida atushtiki bir kent saqchisi 65 yashtin yuqurilarningla namaz oqush yaki oqumasliq erkinliki barliqini ashkarilighan idi. Bügünki éniqlashlirimiz dawamida yene bir kent saqchisi töwen kapalet puli éliwatqanlarning yéshi qanche bolushidin qet'iynezer, namaz oqushigha ruxset yoqluqini ashkarilidi. U yene öz tewelikidin töwen kapaliti élip turup namaz oqughan 10 kishining lagérgha élip kétilgenlikini delillidi.

Xitay da'iriliri hazirgha qeder Uyghur rayonida köp sanda kishige turmush töwen kapalet puli bériwatqanliqi, bu arqiliq ularni puqraliq heq-hoquqliridin behrimen qiliwatqanliqini ilgiri sürgen idi. Alaqidar xadimlarning bayanliridin, da'irilerning töwen kapalet pulini wasite qilip turup, kishilerni étiqadidin waz kéchishke mejburlawatqanliqi ashkarilandi. Atushtiki bir kent saqchisining bayan qilishiche, 65 yashtin ashqanlarningla namaz oqushigha yol qoyghan da'iriler "Dölettin pul éliwatqanlar din'gha ishenmesliki kérek" belgilimisi boyiche, yéqinqi 3 yilda töwen kapalet puli éliwatqanlarning yéshi qanche bolushidin qet'iynezer, ularni namaz oqushtin chekligen. Eger namaz oqughanliqi bayqilip qalsa, töwen kapalet puli késilipla qalmastin, belki yene "Terbiyelesh" ke élip kétilgen

Özining bir péshqedem kompartiye ezasi ikenliki we töwen kapalet puli éliwatqanliqini bayan qilghan qeshqer döletbaghdiki bir ahale dölettin pulla alghan herqandaq kishining namaz oqushigha ruxset yoqluqini, shunga namaz oqushni xiyalighimu keltürmeydighanliqini eskertti. Uning déyishiche, qeshqerde bu tüzüm yolgha qoyuluwatqili 3 yilche bolghan iken.

Öz tewelikide qanchilik kishining töwen kapalet puli alidighanliqidin xewersizlikini éytqan atushtiki mezkur kent saqchisi, özi mes'ul kentte töwen kapalet puli élip turup namaz oqughanliqi üchün "Terbiyilesh" ke ekétilgen 10 kishining isimlirini ashkarilidi.

Xotenning zawa yézisidiki bir kent kadiri öz mehellisidiki töwen kapalet puli élip turup yoshurunche namaz oqughanlardin memetnuri metsidiq isimlik 68 yashliq bir kishining lagérgha ekétilgenlikini bayan qildi. Öz tewelikide namaz oqumasliqni 90 pirsenttin yuqiri nisbette omumlashturup bolghanliqini tilgha alghan yene bir kadir, ahalilerni namazdin waz kechtürüshte töwen turmush kapalet pulini késish tedbirining muhim rol oynighanliqini eskertti.

2016‏-Yilidiki éniqlashlirimiz dawamida töwen turmush kapalet puli éliwatqanlarning öyide bikar turushqa bolmaydighanliqi, choqum kocha süpürüsh, hökümet binalirini tazilash qatarliq atalmish "Xalisane emgek" bilen shughullinishi kérekliki ashkarilan'ghan. Töwen kapalet puli peqet 200 yüen bolghan Uyghur rayonida bu pulning eng töwen éhtiyajnimu qamdiyalmaydighanliqini nezerde tutqan qeshqer ahaliliri xitayning töwen kapalet puligha "Témitqu" dep isim qoyghan idi.

Toluq bet