"Turanda yalghuz bir weten - sherqiy türkistan" namida yighin ötküzüldi

Ixtiyariy muxbirimiz arslan
2019-03-21
Élxet
Pikir
Share
Print
Doktor perhat qurban tengritaghli bilen hamut köktürk ependiler "Turanda yalghuz bir weten - sherqiy türkistan" namliq yighin'gha teklip bilen qatniship, Uyghurlarning bügünki weziyitini anglatti. 2019-Yili 19-mart, türkiye.
Doktor perhat qurban tengritaghli bilen hamut köktürk ependiler "Turanda yalghuz bir weten - sherqiy türkistan" namliq yighin'gha teklip bilen qatniship, Uyghurlarning bügünki weziyitini anglatti. 2019-Yili 19-mart, türkiye.
RFA/Arslan

19-Mart küni istanbuldiki marmara uniwérsitétida "Turanda yalghuz bir weten - sherqiy türkistan" namliq yighin ötküzüldi.

Marmara uniwérsitétining siyasiy ilim fakultéti türk medeniyiti kulubining uyushturushi bilen ötküzülgen bu yighinda Uyghur akadémiyesining bash katipi doktor perhat qurban tengritaghli bilen Uyghur xewer we tetqiqat torining mes'uli hamut köktürk ependiler teklip bilen qatniship, Uyghurlarning bügünki weziyitini anglatti.

Undaqta bu yighinda Uyghurlargha alaqidar qaysi mesililer otturigha qoyuldi? yighin qatnashquchiliridin Uyghurlargha munasiwetlik qandaq pikir we so'allar otturigha qoyuldi?

Biz bu heqte mezkur yighinda söz qilghan Uyghur akadémiyesining bash katipi doktor perhat qurban tengritaghli we Uyghur xewer we tetqiqat torining mes'uli hamut köktürk ependiler bilen söhbet élip barduq.

Perhat qurban tengritaghli bu yighinda aldi bilen Uyghurlarning qisqiche tarixi toghrisida toxtilip ötkenlikini, andin xitayning jaza lagérlirigha qamalghan Uyghurlarning ehwali, Uyghur serxillirining birinchi derijilik basturulush nishani qiliniwatqanliqi hemde xitayning rayonda yürgüzüwatqan irqiy qirghinchiliqliri heqqide toxtalghanliqini bildürdi. U yene Uyghurlarning bu zulumdin qutulushi üchün her sahening qolidin kélidighan barliq imkaniyetlerni ishqa sélishini, xelq'araliq chong teshkilatlarning birliship xitaygha bésim qilishi kéreklikini tekitligen.

Hamutxan köktürk ependi Uyghurlar duch kéliwatqan nöwettiki éghir zulumlarni türkiye xelqige dawamliq anglitishning zörürlükini, bu mesilisini xelqqe anglitishning dini we milliy mejburiyet ikenlikini tekitlidi.

Perhat qurban tengritaghlining bildürüshiche, Uyghurlar toghrisida échilghan mezkur yighin'gha qatnashquchi türkler asasliqi "Biz néme ish qilip béreleymiz? zadi néme qilishimiz kérek?" dégendek so'allarni köprek sorighanliqini bildürdi. U öz sözide Uyghurlargha köngül bölgüchi barliq insanlarning Uyghur mesilisini ijtima'iy taratqu we xelq'araliq metbu'atlarda köplep anglitishqa yardem qilishini telep qilghan.

Toluq bet