Türkiyediki Uyghurlar qurban héytta merhum muhemmet'imin bughra we eysa alptékinlarning qebrisini yoqlidi

Ixtiyariy muxbirimiz erkin tarim
2019-08-12
Élxet
Pikir
Share
Print
Enqerediki Uyghurlar qurban héytta merhum muhemmet'imin bughraning tupraq béshigha bérip du'a tilawet qildi. 2019-Yili 11-awghust.
Enqerediki Uyghurlar qurban héytta merhum muhemmet'imin bughraning tupraq béshigha bérip du'a tilawet qildi. 2019-Yili 11-awghust.
RFA/Erkin Tarim

Türkiyediki Uyghurlar bu yilliq qurban héytta merhum lidérlirining qebrisini yoqlap, ularni xatirileshni untumidi.

Qurban héytning birinchi küni, yeni 11-awghust türkiyening herqaysi jayliridiki Uyghurlar héyt namizidin kéyin merhum liderlardin muhemmet'imin bughra, eysa yüsüp aliptikin qatarliq kishilerning tupraq béshini yoqlap, du'alar qildi.

Bu yil qurban héytta türkiyede türkiyede milyonlighan kishiler öz yurtlirigha qaytip, uruq-tughqanliri bilen jem bolup, héyt namizini bille oquwatqan, wetini we milliti üchün jénini pida qilghan shéhitlirining we alemdin ötken yéqinlirining qebrisi béshida du'a qiliwatqan shundaqla qurbanliq qoylarni soyuwatqan peytlerde türkiyediki Uyghurlarmu éghir keypiyat ilikide bu yilliq qurban héytni kütüwaldi.

Ular Uyghurlarning en'enisi boyiche milliy kiyimlirini kiyip, héyt namizini oqup, qurbanliqlirini soyup, uruq-tughqanlirining qebrisi türkiyede bolghanliri tupraq béshini yoqlap, héyt ötküzmekte. Yeni istanbuldiki Uyghurlar merhum eysa yüsüp aliptékinning tupraq béshigha, enqerediki Uyghurlar merhum muhemmet'imin bughraning tupraq béshigha bérip du'a tilawet qildi.

Uzun yil eysa yüsüp aliptékinning yénida ishligen, sherqiy türkistan weqpining sabiq re'isi hamutxan göktürk ependi qurban héyt namizidin kéyin bir guruppa Uyghurning sherqiy türkistan dewasining yol bashchiliridin eysa yüsüp aliptékinning qebrisige bérip, du'a qilghanliqini bayan qildi.

Qimmetlik radi'o anglighuchilar eysa yüsüp aliptikin 1901-yili tughulghan bolup, 1995-yili türkiyening istanbul shehiride alemdin ötken. U 1952-yili türkiyege kelgen bolup, eyni waqitta Uyghur we qazaq yurtdashlarning türkiyege kélip jaylishishida zor rol oynighan. U ömrining axirighiche türkiyede Uyghur milliy dewasi üchün küresh qilghan. Hamutxan göktürk ependi bu heqte tepsiliy melumat berdi.

Türkiyede oquwatqan Uyghur oqughuchilar yildin yilgha köpeymekte. Bursa shehiridiki uludagh uniwérsitétida oquwatqan 120 neper Uyghur oqughuchining wekili abduqadir abdukérim ziyaritimizni qobul qilip, Uyghur oqughuchilarning a'ilisige téléfon qilip, ata-anisining héytini tebrikliyelmigenliki üchün köngüllirining bekla yérim ikenlikini bayan qildi.

Türkiyening gherbiy rayonigha jaylashqan bursa shehiri Uyghur oqughuchilar eng köp sheherlerdin biri hésablinidu. Uyghur oqughuchilarning öz yurtigha bolghan séghinishini azaytish üchün bursa osman'ghazi nahiyelik hökümet ulargha "Uyghur öyi" échip bergen. Uyghur oqughuchilarning wekili abduqadir abdukérim "Uyghur öyi" ni ziyaret qilghan oqughuchilarning öz yurtigha barghandek hés qilghanliqini eskertip ötti.

Türkiyening paytexti enqerediki Uyghurlarmu bu yilliq qurban héytni Uyghurlarning en'enisi boyiche ötküzmekte. Enqerediki Uyghurlar namazdin kéyin merhum lidér muhemmet'imin bughraning qebrisige bérip du'a qilghan. Uyghur akadémiyesi ijra'iye komitétining re'isi abdulhemit qaraxan ependi ziyaritimizni qobul qilip, özining bu yilliq qurban héyt heqqidiki tesiratlirini bayan qildi.

Istanbuldiki Uyghurlarning köpi zeytinburnu, aqsaray, sefaköy we beylikdüzü rayonlirigha jaylashqan. Qeyseri shehiride hazir ikki Uyghur mehellisi bar bolup, bularning biri 1964-yili türkiyening qeyseri shehiri exmet yesewiy mehellisige jaylashturulghan Uyghurlardin terkib tapqan mehelle bolsa, yene biri 2014-2015 yillirida malaysiya we tayland arqiliq kelgen Uyghurlar turushluq belsin dölet qorusidur. Sabiq mu'awin dölet ministiri bülent arinch ependining 2009-yili bergen bayanatigha asaslan'ghanda, türkiyediki Uyghur nopusi 300 ming etrapida iken.

Toluq bet