Türkiyediki Uyghurlar duch kéliwatqan qiyinchiliqlarni hel qilish üchün türkiye hökümitige iltimas sunuldi

Ixtiyariy muxbirimiz arslan
2022.06.16
Share on WhatsApp
Share on WhatsApp
Uyghur-Heyiti-Turkiye-Nupus-ishliri-idarisi-1.jpg Uyghur hey'iti türkiye nopus-wetendashliq ishliri idarisining bashliqi shefiq aygül ependi bilen söhbette. 2022-Yili 15-iyun, enqere.
RFA/Arslan

15-Iyun charshenbe küni xelq'ara sherqiy türkistan teshkilatlar birlikining re'isi hidayetullah oghuzxan bashchiliqida 5 kishilik bir hey'et enqerege ziyaretke bérip, türkiye ichkiy ishlar ministérlikining mu'awin ministiri isma'il chatakli we türkiye nopus-wetendashliq ishliri idarisining bashliqi shefiq aygül ependi qatarliqlar bilen ayrim-ayrim uchriship, Uyghurlar mesilisi toghrisida sözleshken we özlirining telep-iltimaslirini tapshurghan.

Hidayetullah oghuzxan bu qétim türkiye ichkiy ishlar ministérlikining mu'awin ministiri isma'il chatakli ependi bilen uchrashqanda, Uyghurlarni téz pursette türkiye puqraliqigha qobul qilishni telep qilghan. Shuning bilen birge u yene türkiyege kélelmey bashqa döletlerde qapsilip qalghan we yaki bashqa döletlerde türmilerge qamilip qalghan Uyghurlarni türkiyege keltürüsh qatarliq 16 maddiliq bir telepnamini tapshurghan.

Uyghur hey'iti türkiye ichki ishlar ministérlikining mu'awin ministiri isma'il chatakli ependi bilen söhbette. 2022-Yili 15-iyun, enqere.
Uyghur hey'iti türkiye ichki ishlar ministérlikining mu'awin ministiri isma'il chatakli ependi bilen söhbette. 2022-Yili 15-iyun, enqere.
RFA/Arslan

Hidayetullah oghuzxanning bildürüshiche, 5 kishilik Uyghur hey'iti, türkiye ichki ishlar ministérlikining mu'awin ministiri isma'il chatakli bilen enqerediki ishxanisida uchrashqandin kéyin, ular yene türkiye nupus-wetendashliq ishliri idarisining bashliqi shefiq aygül ependi we munasiwetlik bölüm mes'ulliri bilen uchriship, Uyghurlarning türkiye nupusigha ötüsh mesililiri toghrisida muzakire élip barghan.

Hidayetullah oghuzxanning bildürüshiche, ular xelq'ara sherqiy türkistan teshkilatlar birliki qarmiqida tesis qilin'ghan enqerediki sherqiy türksitan medeniyet merkizide türkiye köchmenler ishliri idarisining bölüm bashliqi gökxan akyildiz we uning hemrahliqidiki hey'etni kütiwalghan. Bu uchrishishta ular türkiyediki sherqiy türkistan teshkilatlirining türkiyening munasiwetlik teshkiliy apparatliri bilen munasiwetni kücheytishi, türkiye we muhajirettiki omumiy Uyghurlarning qiyinchiliqlirini hel qilish, ularning milliy, ijtima'iy, en'eniwiy medeniyet we qimmet qarashlirini qoghdash noqtisida ortaq pa'aliyet élip bérish qatarliq mesililer üstide muzakire élip bérilghan.

Uyghur hey'iti türkiye nopus-wetendashliq ishliri idarisining bashliqi shefiq aygül ependi bilen xatire süretke chüshti. 2022-Yili 15-iyun, enqere.
Uyghur hey'iti türkiye nopus-wetendashliq ishliri idarisining bashliqi shefiq aygül ependi bilen xatire süretke chüshti. 2022-Yili 15-iyun, enqere.
RFA/Arslan

Hidayetullah oghuzxan yene enqerediki uchrishishlar toghrisida mundaq dédi: “Bu uchrishishlarning hemmiside, türkiyediki sherqiy türksitanliq qérindashlirimizning türlük qiyinchiliqlirini hel qilish, kündilik hayatidiki tosalghularni bir terep qilish mesililirini nuqtiliq otturigha qoyuldi. Eng aldi bilen ularning nopus mesilisini hel qilish, yeni türkiyede yashawatqan Uyghurlardin iqamet alalmay qiyinchiliq tartiwatqanlar, bolupmu ismigha kod qoyulup, ‛téror kodi‚ seweblik qiyinchiliqqa duch kéliwatqanlarning mesilisini hel qilish, teshkilatlirimizning sherqiy türkistan dewasini anglitish yolidatürkiyening qollap-quwwetlishige érishish, uningdin bashqa türkiyening tesir da'irisida boliwatqan türk-islam dunyasida sherqiy türksitan mesilisining tereqqiyati qatarliq muhim mesililerde muzakire we pikirlishish élip bérildi”.

Sherqiy türkistan ölimalar birlikining yighinida söz qilghan istanbul waliysi ali yerlikaya ependi, Uyghurlargha uzun muddetlik iqamet bériliwatqanliqini, yéqinda türkiye nopusigha ötüsh teleplirini orunlash üchün resmiy ijra'atqa ötkenlikini bildürüp, mundaq dégen idi: “2019-Yilidin bashlap istanbuldiki dunya tijaret merkizide türk qan sistémisidiki qérindashlar üchün mexsus xizmet binasi échildi. Hazir bu heqtiki xizmet-pa'aliyetler dawam qiliwatidu, u ishxanida qérindashlirimiz biwasite bérip nöwet kütmestin ishlirini asanla bijireleydu. Bügün'ge qeder istanbuldiki bu ishxanida 16788 neper Uyghur qérindashlirimizgha uzun muddetlik iqamet béjirilidi. Biz Uyghur qérindashlirimizning türkiye wetendashliqigha ötüsh iltimaslirini qobul qilip, muzakirige alduq, zeytinburnu-jewizlibaghdiki nupus idarisida mexsus bir bölüm Uyghur qérindashlirimizning nopusqa ötüsh iltimaslirini bijirish üchün jiddi xizmet ishlewatidu, qérindashlirimizning türkiyede özlirini xuddi öz öyliridikidek bixeter hés qilishi üchün, shert-shara'it yaritip bériwatqan türkiye ichkiy ishlar ministiri sulayman soylugha teshekkür éytimiz”.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.