Istanbul siliwri nahiye bashliqi dala seylisi uyushturup ata-anisiz Uyghur baliliridin hal soridi

Ixtiyariy muxbirimiz erkin tarim
2022.08.23
Share on WhatsApp
Share on WhatsApp
Istanbul siliwri nahiye bashliqi dala seylisi uyushturup ata-anisiz Uyghur baliliridin hal soridi Istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp berdi. 2022-Yili 21-awghust, türkiye.
RFA/Erkin Tarim

8-Ayning 21-küni Uyghur nopusi köp nahiyelerdin biri bolghan istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp, ulardin hal sorash bilen birlikte ularning telep-pikirlirini igiligen. Uyghurlar nahiye bashliqidin Uyghur mehellisige balilar oynaydighan baghche yasap bérishke oxshash bir yürüsh teleplirini otturigha qoyghan.

Bu heqte ziyaritimizni qobul qilghan siliwridiki “Oqu Uyghur bilik yurti” namliq Uyghur mektipining oqutquchisi subinur ömerjan xanim mundaq dédi: “Biz siliwre sélimpasha mehellisidiki ‛oqu Uyghur bilik yurti‚ Uyghur mektipining oqutquchi-oqughuchiliri we sélimpasha mehellisidiki Uyghurlardin bolup 200 etrapida kishi 21-awghustta siliwri nahiyesining hakimi wolqan yilmaz ependining teklipi boyiche dala seylisige qatnashtuq. Nahiyening hakimi 5 aptobus yollap, nahiyelik hökümetning xadimliri dala seyle pa'aliyiti orni teyyarlap qoyghan ormanliqqa apardi. Biz aldi bilen bu yerde nashta qilduq, andin kéyin balilarning köngül échish pa'aliyiti boldi. Uyghur balilar bek xushal boldi”.

Istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp berdi. 2022-Yili 21-awghust, türkiye.

“Oqu Uyghur bilik yurti” namliq Uyghur mektipide oquwatqan 150 etrapida Uyghur yash-ösmür 2017-yilidin tartip ata-aniliri bilen alaqisi üzülüp qalghanlar bolup, buninggha qattiq échin'ghan siliwri nahiyelik hökümetning bashliqi wolqan yilmaz ependi bulargha alahide köngül échish pa'aliyiti uyushturup bergen. Hemde özi bu dala seylisige qatniship Uyghur balilarning teleplirini anglighan. Subinur ömerjan xanim bu heqte melumat bérip mundaq dédi: “Chüshtin kéyin siliwri nahiyesining bashliqi wolqan yilmaz ependi yétip keldi. U balilar bilen semimiy körüshkendin kéyin söz qildi. U, biz gerche sherqiy türkistandin yiraqta bolsaqmu, lékin sherqiy türkistan da'im bizning könglimizde, biz Uyghurlarni untup qalmiduq. Qandaq qiyinchiliqinglar, telipinglar bolsa manga denglar, dédi. Uyghur balilar bularni anglap nahayiti xushal bolup ketti”.

Istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp berdi. 2022-Yili 21-awghust, türkiye.

Subinur ömerjan xanimning éytishiche dala seyliside Uyghur oqughuchilar Uyghur sama ussuli oynap, Uyghurche naxshilarni orunlighandin kéyin nahiye bashliqigha bezi teleplirini yetküzgen. Nahiye bashliqi Uyghur mehellisige baghche yasap béridighanliqi toghrisida wede bergen. U, bu toghriliq melumat bérip mundaq dédi: “Uyghur yash-ösmürler hakimgha en'eniwi ussul bolghan sama oynap berdi. Uyghurche naxsha éytip berdi. Nahayiti ehmiyetlik pa'aliyet boldi. Siliwri nahiyesining hakimining Uyghurlarni alahide teklip qilip apirip bundaq kütüwélishi türklerning Uyghurlargha hésdashliq qilghanliqining ipadisi. Téximu muhimi bolsa ‛oqu Uyghur bilik yurti‚ Uyghur mektipide oquwatqan ata-anisi wetende lagérlargha solinip qalghan shu balilarning könglini élish, xosh qilish meqsiti bilen élip bérilghan bolghachqa biz buningdin nahayiti xursen bolduq. Siliwri nahiyesining hakimi wolqan yilmaz ependi Uyghurlar zich olturaqlashqan sélimpasha mehellisige Uyghur balilar oynaydighan baghche bilen dala seylisi qilidighan yer yasap béridighanliqini éytti”.

Istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp berdi. 2022-Yili 21-awghust, türkiye.

Bu pa'aliyetni uyushturghan filiz adigüzel xanim ziyaritimizni qobul qilip mundaq dédi: “Sherqiy türkistan méning qanighan yaramdur. Men Uyghurlarni yaxshi körimen. Siliwridiki Uyghur balilarni manga bérilgen amanet dep körimen. Uyghurlar üchün hazirghiche qolumdin kelgenni qildim, buningdin kéyinmu qilimen. 4 Yildin buyan Uyghur mektipidiki oqughuchilar bilen, sélimpasha mehellisidiki Uyghurlar bilen nurghun pa'aliyetlerni qilduq. Bu qétimqi dala seylisimu nahayiti yaxshi ötti. Bundin burun ramizan éyida Uyghurlargha iptar ziyapiti berduq. Qurban héytta Uyghurlargha qurbanliq göshi tarqattuq. Qiyinchiliqi bar Uyghurlargha yardem buyumliri tarqitip berduq. Biz her da'im xitay zulumdin qéchip türkiyege kelgen Uyghurlargha qolimizdin kelgen yardemni qilduq, bundin kéyinmu qilishqa dawam qilimiz”.

Istanbulning siliwri nahiyesining hakimi wolqan yilmaz ependi ata-anisi wetinide xitay lagér we türmilirige solinip, tirik yétimgha aylan'ghan Uyghur balilirigha dala seylisi ötküzüp berdi. 2022-Yili 21-awghust, türkiye.

Siliwri istanbulgha qarashliq bir nahiye bolup, 2015-yilidin tartip Uyghurlar jaylishishqa bashlighan. Siliwri nahiyesining sélimpasha mehelliside bir Uyghur mektipi bar bolup, 50 a'ile etrapida Uyghur yashaydiken. Uyghurlar yene istanbuldiki zeytunburnu, safaköy qatarliq jaylardimu topliship olturaqlashqan bolup, 2017-yili xitay hökümitining Uyghurlarni keng kölemde lagérlargha we türmilerge solash siyasiti bashlan'ghanda türkiyede turushluq bir qisim Uyghurlarning uruq-tughqanliri, bezilirining erliri yaki ayalliri lagér we türmilerge tashlan'ghan. Netijide, istanbulda xéli köp sandiki Uyghur balilar atisiz yaki anisiz, hetta bezilirining ata-anisi her ikkilisi yoq ehwallar shekillen'genidi. Siliwri nahiyesi mana shu balilardin hal sorighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.