Түркийәниң хитайда турушлуқ баш әлчиси уйғурларниң хитайниң земин пүтүнликини қоғдишини тәләп қилған

Мухбиримиз әркин
2021-01-18
Share
Түркийәниң хитайда турушлуқ баш әлчиси уйғурларниң хитайниң земин пүтүнликини қоғдишини тәләп қилған Түркийәниң хитайда турушлуқ баш әлчиси абдуқадир әмин өнән.
Social Media

Түркийәниң хитайда турушлуқ баш әлчиси абдуқадир әмин өнән түркийәдики уйғурларниң хитайниң земин пүтүнлики вә "бир хитай принсипи" ни қоғдишини, түркийәниң хитай билән болған мунасивәтлириниң техиму күчийишигә түрткә болушини тәләп қилған.

Униң тәкитлишичә, түркийә хитай билән болған һәр җәһәттики мунасивәтлирини техму чоңқурлаштуридикән. У бу сөзләрни 16-январ хитай-түркийә дипломатик мунасивәт орнатқанлиқиниң 50 йиллиқи мунасивити билән түркийәниң һөкүмәт ахбарати — анадолу агентлиқиниң зияритини қобул қилип, нөвәттики хитай-түркийә мунасивәтлиригә баһа бәргәндә қилған.

У мундақ дегән: "биз қериндашлиримизниң, земин пүтүнлики вә ‹бир хитай принсипи' ни һәр пурсәттә тәкитләп кәлгән хитай хәлқ җумһурийити билән болған мунасивәтимизниң техиму күчийишигә һәссә қошушини үмид қилимиз." у йәнә түркийә пуқраси болған уйғурларниң уйғур елидики уруқ-туғқанлириға даир тәләплирини хәлқара қанун вә дипломатик қаналлар билән сүрүштүрүп келиватқанлиқи, бу мәсилидики "сәзгүрлики вә тәләплирини алақидар хитай орунлириға һәр дәриҗидә йәткүзүп кәлгәнлики вә давамлиқ йәткүзүдиғанлиқи" ни билдүргән, әмма униң нәтиҗисиниң қандақ болғанлиқини чүшәндүрмигән.

Абдуқадир әмин өнән уйғур елини зиярәт қилмаслиқ, бу райондики лагерларда йетиватқан түркийә пуқралиқидики уйғурларниң ақивитини сүрүштүрмәслик билән әйиблинип кәлгән иди. У юқириқи сөзләрни қилишниң сәл алдида, "никкей асия" гезити "түркийәниң уйғурларни хитай ваксинисиға тегишиш" билән әйибләнгәнлики, бәзиләрдә хитай синовак ваксинисини козер қилип, түркийәни "хитай-түркийә җинайәтчи алмастуруш келишими" ни мақуллашқа қиставатамду, дегән гуман қозғиғанлиқини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт