Лагер тутқунлири йеқинлириниң паалийити түрк хәлқигә уйғур давасини аңлитишта муһим рол ойнимақта

Ихтиярий мухбиримиз еһсан
2021-10-11
Share

Лагер тутқунлири йиқинлири тәрипидин тәшкилләнгән "шәрқи түркистан үчүн анатолийә сәпири" намлиқ паалийәт қизғин давамлашмақта. Паалийәтчиләр хитайниң уйғур елидики қирғинчилиқ сиясәтлирини түрк хәлқигә бивстә аңлитиш үчүн анатолийә сәпири паалийити бойичә кастаному, карабүк, болу вә әскишәһири қатарлиқ шәһәрләрдә бир қатар паалийәтләрни орунлаштурған.

Лагер тутқунлири йиқинлири мәзкур шәһәрләрдә һәрхил тәшвиқат паалийәтлирини, мухбирларни күтүвелиш йиғини вә рәсим көргәзмилирини орунлаштурған. Паалийәтчиләр зиярәт қилған шәһәрләрдики пуқравий тәшкилатларниң мәсуллири, шәһәрлик һөкүмәт вә һәр қайси сиясий партийиләрниң шөбә башлиқлири тәрипидин қизғин күтивелинған.

Мәзкур паалийәткә қатнашқан актип паалийәтчиләрдин җәвлан ширмәмәт зияритимизни қубул қилип, кастаному вә карабүктә елип берилған паалийәтләр тоғрисида мәлумат бәрди.

Хитайниң күнсери күчийиватқан уйғур елидики қирғинчилиқ сиясити нурғунлиған уйғур аилилириниң парчилинишиға сәвәп болған болуп, муһаҗирәттики уйғурлар йиллардин буян хитайниң қирғинчилиқ сиясити сәвәблик ғайип болған аилә әзалири үчүн күрәш қилишни давамлаштуруп кәлмәктә.

Түркийәдики лагер тутқунлири йиқинлири һәр хил паалийәтләр арқилиқ хитай һөкүмити тәрипидин тутуп туруливатқан яки йиғивилиш лагериға соланған аилә әзалири үчүн һәр хил паалийәтләрни уюштуруп кәлмәктә.

Нөвәттә лагер тутқунлири йиқинлири "шәрқий түркистан үчүн анатолийә сәпири" намида түркийәниң һәр қайси шәһәрлирини айлинип, түрк хәлқигә уйғур елида йүз бериватқан ирқи қирғинчилиқни бивастә йәткүзүшкә тиришмақта. Лагер тутқунлири йиқинлири түрк хәлқиниң қоллиши билән түрк һөкимәтиниң уйғур қирғинчилиқини итрап қилишини өмүд қилидиғанлиқини билдүрмәктә.

"шәрқи түркистан үчүн анатолийә сәпири" паалийитниң тәшкиллигүчилиридин уйғур кишилик һоқуқ паалийәтчиси мәдинә назими ханим зияритимизни қубул қилип, лагер тутқунлири йиқинлириниң әскишәһәр вә болудики паалийәтлири тоғрисида тәпслий мәлумат бәрди.

"шәрқи түркистан үчүн анатолийә сәпири" паалийитиниң иккинчи қетимлиқ сәпири 17-сентәбир күни сиваста башланған болуп, паалийәтчилар мәзкур паалийәт җәрянида түрк хәлқиниң қизғин қоллиши вә ярдимидин интайин хурсән икәнликини ийтмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт