Türkiyede 2022-yili Uyghurlarning hazirqi éghir weziyitini otturigha qoyush bilen bashlandi

Ixtiyariy muxbirimiz erkin tarim
2022-01-06
Share
Türkiyede 2022-yili Uyghurlarning hazirqi éghir weziyitini otturigha qoyush bilen bashlandi Uyghur mesilisini türkiyening milliy mesililiri qatarida tepsiliy otturigha qoyghan türkiyediki “Flash téléwiziyisi” de sherqiy türkistan wexpisining sabiq re'isi hamutxan köktürk ependi riyasetchi nazif oqumush ependi bilen. 2021-Yili dékabir.
RFA/Erkin Tarim

Türkiyediki “Flash téléwiziyisi” ötken hepte axirida Uyghur mesilisini türkiyening milliy mesililiri qatarida tepsiliy otturigha qoydi. Shuning bilen 2022-yili bashlandi. Mezkur téléwiziye programmisida türkiyening milliy mesilisi hésablinidighan rusiye teripidin bésiwélin'ghan qirim yérim arilidiki tatarlarning mesilisi, iraqtiki türkmenler mesilisi, girétsiyediki türkler mesilisi qatarida Uyghur mesilisimu otturigha qoyuldi. Péshqedem yazghuchi, sabiq parlamént ezasi nazif oqumush ependi riyasetchilik qilghan téléwiziye programmisigha péshqedem Uyghur pa'aliyetchi, sherqiy türkistan wexpisining sabiq re'isi hamutxan köktürk ependi teklip boyiche qatniship, Uyghur diyarining qisqiche tarixi, baliliq chaghlirida körgen zulumlarni eslitip ötkendin kéyin xitayning hazirqi éghir weziyiti toghrisida melumat berdi.

Neq meydandin tarqitilghan programmida hamutxan köktürk anglatqan tragédiyeni anglighan téléwiziye riyasetchisi nazif oqumush ependi we bashqa qatnashquchilar közige yash alghanliqi diqqet tartti.

Hamutxan köktürk ependi ötken hepte “Flash téléwiziyesi” de neq meydandin tarqitilghan programmida Uyghurlarning tarixi we bügünki éghir weziyiti, shundaqla özi 11 yashta yurtidin ayrilishtin burun béshidin ötküzgen zulumlarni otturigha qoydi.

Uyghur mesilisini türkiyening milliy mesililiri qatarida tepsiliy otturigha qoyghan türkiyediki “Flash téléwiziyisi” de türkiye döletlik radi'o we téléwiziye idarisining türk dunyasi sen'etchisi bunyamin aqsun'gur ependi tonulghan Uyghur sen'etchi abdurehim héyitning “Uchrashqanda” namliq naxshisini orunlidi.. 2021-Yili dékabir.
Uyghur mesilisini türkiyening milliy mesililiri qatarida tepsiliy otturigha qoyghan türkiyediki “Flash téléwiziyisi” de türkiye döletlik radi'o we téléwiziye idarisining türk dunyasi sen'etchisi bunyamin aqsun'gur ependi tonulghan Uyghur sen'etchi abdurehim héyitning “Uchrashqanda” namliq naxshisini orunlidi.. 2021-Yili dékabir.

Hamutxan köktürk ependi shimaliy siprus, iraqtiki türkmen, rusiye bésiwalghan qirim yérim arilidiki tatarlarning mesilisi qatarliqlarning türkiyening eng muhim milliy mesilisi ikenlikini we kéyinki yillarda sherqiy türkistan mesilisining milliy mesilige aylan'ghanliqini ilgiri sürdi.

Tonulghan téléwiziye riyasetchisi, yazghuchi we sabiq parlamént ezasi nazif oqumush ependi, 2022-yilining sherqiy türkistan mesilisini téléwiziye programmisida anglitish arqiliq bashlan'ghanliqini, bundin kéyinki programmiliridimu sherqiy türkistan mesilisini kün tertipke élip kélidighanliqini otturigha qoydi. U, mundaq dédi: “Sherqiy türkistanda axiri bir kün quyash chiqidighanliqigha ishenchim kamil. Sherqiy türkistandiki medeniyetimizni qayta güllendürimiz. Bügün türk dunyasida zulumgha uchrawatqan xelqler bar, yéngi yilni ularning derdini otturigha qoyush bilen bashliduq. Xudayim buyrusa ularning hemmisi erkinlikke érishidu”.

Bu heqte ziyaritimizni qobul qilghan türkiye döletlik radiyo we téléwiziye idarisining muxbiri mirkamil qeshqerli ependi türkiye hökümiti uzun yildin buyan Uyghur mesiliside sükütte turuwalghan bolsimu, lékin 2022-yilida türkiye axbaratlirida Uyghur mesilisining téximu köp kün tertipke kélidighanliqini otturigha qoydi.

Ötken hepte axirida “Flash téléwiziyesi” de neq meydandin tarqitilghan programmigha türkiye dölet mudapi'e ministirliqining sabiq bash katipi ümid yalin ependi, iraqtiki türkmenlerdin mutexessis jüneyt menggü ependi, qirim tatarliri jem'iyiti re'isi jelal ichten ependiler ishtirak qildi. Türkiye döletlik radiyo we téléwiziye idarisining türk dunyasi sen'etchisi bunyamin aqsun'gur ependi tonulghan Uyghur sen'etchi abdurehim héyitning “Uchrashqanda” namliq naxshisini orunlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet