Meral aqshener: “Walibol musabiqisi tügigiche sherqiy türkistanning kök bayriqi sehnide turidu”

Ixtiyariy muxbirimiz erkin tarim
2022.06.07
Share on WhatsApp
Share on WhatsApp
Meral aqshener: “Walibol musabiqisi tügigiche sherqiy türkistanning kök bayriqi sehnide turidu” “Iyi” partiyesining re'isi meral aqshener xanimning yolyoruqi boyiche türkiye-xitay dölet komandilirining ayallar walibol musabiqiside meydan'gha ay yultuzluq kök bayraq ésilghan. 2022-Yili 3-iyun, enqere, türkiye.
RFA/Erkin Tarim

3-Iyun küni türkiye paytexti enqerede ötküzülgen türkiye-xitay dölet komandilirining ayallar walibol musabiqiside, qurulghan kündin tartip Uyghurlarni qollap kéliwatqan öktichi partiyelerdin bolghan “Iyi” yeni “Yaxshi” partiyesining re'isi meral aqshener xanimning yolyoruqi boyiche mezkur partiyening yashlar teshkilati ezaliri, partiye re'isi meral aqshener xanim bilen birlikte musabiqe meydanigha sherqiy türkistanning ay yultuzluq kök bayriqini ésip, özlirining Uyghurlargha bolghan qollishini ipadiligen.

Meral aqshener xanim saqchilarning bayraqni éliwétishigha yol qoymay, bu bayraqning musabiqe axirlashqiche turidighanliqini éytqan.

“Iyi” partiyesining re'isi meral aqshener xanimning yolyoruqi boyiche türkiye-xitay dölet komandilirining ayallar walibol musabiqiside meydan'gha ay yultuzluq kök bayraq ésilghan. 2022-Yili 3-iyun, enqere, türkiye.

Bu musabiqini “Iyi” partiyesining re'isi meral aqshener xanimmu neq meydandin 30 parlamént ezasi olturghan jayda körgen bolup, sherqiy türkistanning bayriqi del u olturghan sehnige ésilghan. Mezkur kök bayraq xitay döletlik ayallar komandisini qollash üchün kelgen xitaylar asqan xitay bayriqining udulida musabiqe tügigiche turghan. Biz bu heqte tepsiliy melumat igilesh üchün kök bayraqni sehnige asqan iyi partiyesining yashlar siyasitige mes'ul xadimi orxan ertürkmen ependi bilen téléfon söhbiti élip barduq. U, bu jeryan heqqide melumat bérip mundaq dédi: “Partiyemizning re'isi walibol mestanisidur. Eslide bu musabiqige bérishidiki seweb bizning ayal walibol komandisining xitay walibol komandisi bilen musabiqige chüshishi idi. Ötken yili re'isimiz meral aqshener xanim ghulja weqesini xatirilep Uyghurlarning musteqilliq körüshini qollap bayanat élan qilghanidi. Xitay elchixanisi buninggha qarshi twittér arqiliq partiyemizning re'isi bolghan meral aqshener xanimgha tehdit salghanidi. Arqidin biz iyi partiyesi yashlar teshkilati xitayning enqerediki elchixanisining aldida namayish qilip xitaygha naraziliq bildürgen iduq. Bu musabiqidimu Uyghur qérindashlirimizning awazi bolayli déduq”.

Orxan ertürkmen ependi sherqiy türkistanning kök bayriqini 30 parlamént ezasi musabiqe körüwatqan jaygha asqanliqini bildürdi. U, mundaq dédi: “Biz türkiye milliy walibol komandisi bilen xitay walibol komandisining musabiqe ötküzidighanliqini anglap, hem bizning ayal walibol komandimizni qollash, hem sherqiy türkstanliq qérindashlirimizning awazi bolayli dep xitay bayriqigha qarshi kök bayraqni asayli dep zalgha barduq. Partiyemizdin bolghan 30 etrapida yash türk bayriqi chüshürülgen maykimizni kiyip zalgha sherqiy türkistanning ay yultuzluq kök bayriqini astuq. Re'isimiz meral aqshener xanim 30 etrapida parlamént ezasi musabiqe körüwatqan yerge kök bayraqni ésishimizni telep qildi. Biz xitay bayriqi ésilghan yerning del udulida sherqiy türkistan bayriqini astuq”.

“Iyi” partiyesining re'isi meral aqshener xanimning yolyoruqi boyiche türkiye-xitay dölet komandilirining ayallar walibol musabiqiside meydan'gha ay yultuzluq kök bayraq ésilghan. 2022-Yili 3-iyun, enqere, türkiye.

Orxun ertürkmen ependi meydanning bixeterlikini qoghdawatqan saqchilar sherqiy türkistanning bayriqini éliwétishke urun'ghan bolsimu, partiye re'isi bolghan meral aqshener xanimning mezkur bayraqning musabiqe dawamlashqiche turidighanliqini dégenlikini bildürüp mundaq dédi: “Biz bayraqni achqandin kéyin saqchilar yénimizgha kélip bayraqni chüshürishimizni telep qildi. Re'isimiz meral aqshener xanim bizge ‛musabiqe tügigiche bayraq ésiqliq turidu, bu bayraqni chüshürüshke bolmaydu‚ dédi. Bizmu bayraqni chüshürmiduq. Biz yashlar sherqiy türkistan bayriqini ésish bilen bir waqitta, ‛sherqiy türkistanliqlar türktur hem menggü türk péti qalidu‛, ‚biz her da'im sherqiy türkistanliqlarning yénida turimiz‛, ‚xitay sherqiy türkistandin chiqip ket‛dégendek sho'arlarni towliduq. Bularni ijtima'iy taratqular arqiliq tarqattuq. Bu pa'aliyet partiyemizning re'isi meral aqshener xanimning yolyoruqi bilen élip bérildi. Bu arqiliq sherqiy türkistanliq qérindashlirimizning awazi bolduq dep oylaymen”.

“Iyi” partiyesi re'isi bolghan meral aqshener xanimning türkiye paytexti enqerede ötküzülgen türkiye-xitay dölet komandilirining ayallar walibol musabiqiside kök bayraq ésishi dunyaning her qaysi jayliridiki Uyghurlarni qattiq söyündürdi. D u q re'isi dolqun eysa ependi bu heqtiki ziyaritimizni qobul qilip, türkiye hökümiti sükütte turiwéliwatqan bügünki künde “Yaxshi” partiyesining Uyghurlarning awazi boluwatqanliqini buninggha minnetdarliq bildüridighanliqini bayan qildi.

D u q wexpisining re'isi abduréshit abdulxemit ependi buning sherqiy türkistan dewasini türk xelqining semige sélip turush üchün zor ehmiyetke ige ikenlikini tekitlidi.

3-Iyun künidiki musabiqini qollash üchün xitaydin we türkiyening her qaysi jayliridin kelgen xitaylar qollirida xitay bayriqi bilen olturghan jayning del udulida kök bayraq ésilghan bolup tamashibinlar ichide türkiye tashqi ishlar ministiri mewlut chawush'oghlumu bar iken.

2002-Yili koréyede ötküzülgen dunya putbol musabiqiside türkiye milliy putbol komandisi bilen xitay komandisi oynighan musabiqidimu putbol meydanigha sherqiy türkistanning kök bayriqi ésilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet