Exmet dawut'oghlu: hakimiyetni igilisek Uyghur mesilisini küntertipige qoyimiz

Ixtiyariy muxbirimiz erkin tarim
2022.06.21
Share on WhatsApp
Share on WhatsApp
Ahmet-Davutoghlu-abdureshit-abdulxemit.jpg “Kélechek” partiyesining orunlashturushi bilen ötküzülgen uchrishishta d u q wexpining re'isi abduréshit abdulxemit ependi türkiye “Kélechek” partiyesining re'isi exmet dawut'oghlu ependi bilen. 2022-Yili 19-iyun, türkiye.
RFA/Erkin Tarim

19-Iyun küni istanbuldiki türk dunyasi kültür merkizide “Kélechek” partiyesining uyushturushi bilen türkiyede pa'aliyet élip bériwatqan türkiy milletlerning ammiwi teshkilatlirining mes'ulliri bilen uchrishish yighini ötküzülgen. Yighin'gha yawro-ayisa teshkilatlar birlikige eza 55 teshkilatning mes'ulliri ishtirak qilghan. Uyghurlargha wakaliten dunya Uyghur qurultiyi wexpisi re'isi abduréshit abdulxemit ependi, Uyghur akadémiyesi wexpisi re'isi doktor perhat qurban tengritaghli ependi, sherqiy türkistan wexpisi bashqurush hey'iti ezasi enwer qaraqash ependiler ishtirak qilghan hem Uyghurlar namidin telep xéti sun'ghan.

Yighinda söz qilghan türkiyening sabiq bash ministiri we “Kélechek” partiyesining re'isi exmet dawut'oghlu amérika bashta 9 döletning xitayning “Uyghur irqiy qirghinchiliqi” ni étirap qilghanliqini, türkiye hökümitining téxiche sükütte turushini qobul qilghili bolmaydighanliqini, 2023-yilidiki saylamda hakimiyetni igilise Uyghur mesilisini küntertipige qoyidighanliqini tekitligen.

“Kélechek” partiyesining orunlashturushi bilen ötküzülgen uchrishishta Uyghur akadémiyesi wexpisi re'isi doktor perhat qurban tengritaghli ependi türkiye “Kélechek” partiyesining re'isi exmet dawut'oghlu  ependi bilen. 2022-Yili 19-iyun, türkiye.
“Kélechek” partiyesining orunlashturushi bilen ötküzülgen uchrishishta Uyghur akadémiyesi wexpisi re'isi doktor perhat qurban tengritaghli ependi türkiye “Kélechek” partiyesining re'isi exmet dawut'oghlu ependi bilen. 2022-Yili 19-iyun, türkiye.
RFA/Erkin Tarim

Bu heqte ziyaritimizni qobul qilghan yawro-asiya teshkilatlar birliki re'isi isma'il chin'giz ependi yighin heqqide melumat bérip: “Türkiyening Uyghurlarning heq we hoquqlirini qoghdaydighan milliy tashqi siyaset belgilep chiqishi kérekliki” ni tekitlidi

Yighin'gha ishtirak qilghan dunya Uyghur qurultiyi wexpisi re'isi abduréshit abdulxemit ependi ziyaritimizni qobul qilip, yighinning sabiq bash ministir kélechek partiyesi re'isi exmet dawut'oghluning chaqiriqi bilen istanbuldiki türk dunyasi kültür mehelliside chaqirilghanliqini, yighinda d u q namidin bezi teleplerni otturigha qoyghanliqini bildürdi.

Yighin gerche türkiy xelqler nöwette duchar boluwatqan qiyinchiliqlar we ularni hel qilish yollirini muzakire qilish üchün chaqirilghan bolsimu, lékin nuqtiliq halda Uyghurlarning nöwettiki éghir mesilisi muzakire témisi bolghan.

“Kélechek” partiyesining orunlashturushi bilen ötküzülgen uchrishishta türkiye “Kélechek” partiyesining re'isi exmet dawut'oghlu ependi söz qilmaqta. 2022-Yili 19-iyun, türkiye.
“Kélechek” partiyesining orunlashturushi bilen ötküzülgen uchrishishta türkiye “Kélechek” partiyesining re'isi exmet dawut'oghlu ependi söz qilmaqta. 2022-Yili 19-iyun, türkiye.
RFA.Erkin Tarim

Uyghur akadémiyesi wexpisi re'isi perhat qurban tengritaghli ependi “Kélechek” partiyesi re'isi exmet dawut'oghluni bezi teleplerni otturigha qoyghanliqini, exmet dawutoghluning bu teleplerni anglighandin kéyin pozitsiye bildürgenlikini bildürdi.

Exmet dawut'oghlu Uyghur teshkilatlirining telep-pikirlirini anglighandin kéyin, 2023-yilidiki saylamda hakimiyet béshigha kelse birinchi bolup, Uyghur mesilisini küntertipige qoyidighanliqini otturigha qoyghan. Abduréshit abdulxemit ependi bu heqte bizge melumat berdi.

“Kélechek” partiyesi qurulghan kündin buyanqi 3 yil mabeynide izchil halda Uyghur mesilisini otturigha qoymaqta, ular bundin kéyinmu bu mesilini otturigha qoyidighanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet