Parlamént ezasi teyis rotén: “Uyghur qirghinchiliqini toxtitish üchün qolimizdin kelgenni qilimiz”

Ixtiyariy muxbirimiz erkin tarim
2022.11.01
Share on WhatsApp
Share on WhatsApp
gollandiyede-uyghur-awazi-korgezmisi Gollandiyening amstérdam shehiridiki “Debali'e” tiyatirxanisining aldida ötküzülgen “Uyghurlarning awazi” namidiki pa'aliyettin körünüsh. 2022-Yili 25-öktebir.
RFA/Erkin Tarim

25-Öktebir bashlan'ghan gollandiyening amstérdam shehiridiki “Debali'e” tiyatirxanisidiki “Uyghurlarning awazi” namliq pa'aliyet 2-noyabirghiche dawamlishidu.

Gollandiyelikler uyushturghan mezkur pa'aliyetke gollandiyelik siyasetchi, ishchilar partiyesining yawropa parlaménti ezasi teyis rotér ependi bilen amstérdam shehirining sabiq bashliqi job kohen ependi qatarliqlar ishtirak qilghan. Teyis rotén ependi “Uyghur awazi” körgezmisini körgendin kéyin tuyghulirini bayan qilip, Uyghurlargha hésdashliq qilidighanliqini we Uyghur qirghinchiliqini toxtitish üchün qolidin kelgenni qilidighanliqini éytqan.

Tiyatirxanining aldigha chédir qurulghan bolup, chédirning ichidiki ékranda “Shinjang saqchi höjjetliri” diki resimler chiqip turidiken. Uningda lagér shahitlirining sözlirimu chiqip turidiken. Bu chédirning sirtigha gollandiyelikler özliri layiheligen ikki chong lozunka ésilghan bolup, mezkur lozunkining üstige golland ( nédérland) tilida “Uyghurlarning awazi” dégen xet yézilghan. Gollandiyediki lagér shahiti ömerbek aliy gollandiyeliklerning bu pa'aliyetni ötküzüshtiki meqsitining xitayning Uyghurlargha élip bériwatqan “Irqiy qirghinchiliqi” ni ispatlar bilen körsitish arqiliq gollandiye hökümitini xitaygha qarshi konkrét tedbir élishqa qistashtin ibaret ikenlikini ilgiri sürdi.

Gollandiyening amstérdam shehiridiki “Debali'e” tiyatirxanisining aldida ötküzülgen “Uyghurlarning awazi” namidiki pa'aliyette gollandiyelik siyasetchi, ishchilar partiyesining yawropa parlaménti ezasi téyis rotén(Thijs Reuten) Uyghur pa'aliyetchi abduréhim ghéni bilen. 2022-Yili 25-öktebir.
Gollandiyening amstérdam shehiridiki “Debali'e” tiyatirxanisining aldida ötküzülgen “Uyghurlarning awazi” namidiki pa'aliyette gollandiyelik siyasetchi, ishchilar partiyesining yawropa parlaménti ezasi téyis rotén(Thijs Reuten) Uyghur pa'aliyetchi abduréhim ghéni bilen. 2022-Yili 25-öktebir.
RFA/Erkin Tarim

10-Ayning 25-küni ötküzülgen échilish murasimida amstérdam shehirining sabiq bashliqi job kohen ependi bilen mezkur pa'aliyetni uyushturghan “Debali'e” ning mes'ulliri échilish nutqi sözlep, Uyghurlar toghrisida toxtalghan. Mezkur körgezmide körsitilgen ispatlar, bolupmu kechürüm teshkilati élan qilghan resimler Uyghurlarning hazirqi éghir weziyitini nahayiti yaxshi yorutup bergen bolup, bularni körgenler yuqiri baha bergen. Bu heqte ziyaritimizni qobul qilghan Uyghur pa'aliyetchi abduréhim ghéni ependi buning gollandiyelikler teripidin uyushturulghan chong bir pa'aliyet hésablinidighanliqini, xelqning küchlük diqqitini tartiwatqanliqini ilgiri sürdi.

Gollandiyediki lagér shahiti qelbinur sidiq xanim so'alimizgha jawab bérip mundaq dédi: “Gollandiye döliti amérika we kanadadin kéyinla yeni-2021yili-2ayning-25künide xitayning Uyghurlargha élip bériwatqan zulum siyasitini ‛irqiy qirghinchiliq we insaniyetke qarshi jinayet‛dep élan qilghan üchinchi dölet hésablinidu. Mushundaq bir dölette amstérdamning merkizide, dölet ichi we sirtidin kelgen sayahetchiler eng köp kélidighan jayda, ‛Uyghurlarning awazi‚ namida bundaq bir körgezmini échish Uyghurlarning éghir weziyitini gollandiyeliklerge we chet'elliklerge anglitishta ehmiyiti nahayiti zor dep qaraymen. Chünki bu tiyatirxanigha kiridighanlar nahayiti köp iken. Tiyatirxanining ichi we sirtigha Uyghur qirghinchiliqi heqqide lozunkilar ésilghan. Hemde ichide ékranda gollandiye tilida chüshendürülüp turghan bolghachqa buninggha qiziqidighanlar nahayiti köp iken. Shunga buning tesir küchi nahayiti zor bolidu. Men gollandiye hökümitiningmu amérikagha oxshash xitaygha qarshi qanun chiqirip, konkrét tedbir élishini ümid qilimen”.

Gollandiyening amstérdam shehiridiki “Debali'e” tiyatirxanisining aldida ötküzülgen “Uyghurlarning awazi” namidiki pa'aliyette ékranda körünüp turghan ““Shinjang saqchi höjjetliri” diki körünüsh. 2022-Yili 25-öktebir.
Gollandiyening amstérdam shehiridiki “Debali'e” tiyatirxanisining aldida ötküzülgen “Uyghurlarning awazi” namidiki pa'aliyette ékranda körünüp turghan ““Shinjang saqchi höjjetliri” diki körünüsh. 2022-Yili 25-öktebir.
RFA/Erkin Tarim

28-Öktebirde gollandiyediki ishchilar partiyesidin bolghan yawropa parlamént ezasi teyis rotén ependi “Uyghurlarning awazi” namliq körgezmini ziyaret qilghan. U, ziyarettin kéyin, Uyghurlargha hésdashliq qilidighanliqini we Uyghur qirghinchiliqini toxtitish üchün qolidin kelgenni qilidighanliqini éytqan. Uyghur pa'aliyetchi abdurehim ghéni ependi bu heqte melumat berdi.

Gollandiye yawropada Uyghurlar köp olturaqlashqan döletlerdin biri bolup, 30-öktebir küni axirlishidighan mezkur pa'aliyet Uyghurlarni nahayiti söyündürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.